birat ribon

प्रदेश सरकारको दुई वर्ष अलमलमै बित्यो

Neuro
प्रदेश सरकारको दुई वर्ष अलमलमै बित्यो

केदार कार्की ,प्रमुख सचेतक, नेपाली कांग्रेस

Padelux insider
cura insider

प्रदेश सरकार गठन भएको दुई वर्ष पूरा भयो । दुई वर्षको अवधीमा प्रदेश सरकारले आफ्नो गति लिएको दावी गरिरहेको छ । तर व्यवहार त त्यस्तो देखिँदैन ।

सरकार, कामको भन्दा पनि योजनाको विस्कुन लगाउनमा व्यस्त छ । योजना घोषणा हुन्छन् तर कार्यान्यन भएका छैनन् । काम कति भए, कति भएनन्, मैले भनिरहन पर्दैन ।

सरकार एउटा वर्षको कार्यक्रम पूरा भएको हुँदैन अर्काे वर्षको नीति तथा कार्यक्रमहरु ल्याउँछ । यसरी कार्यक्रम ल्याउँदा पुराने नीति तथा कार्यक्रम छुट्छन् ।

प्रदेश सरकारको दुई वर्ष अलमलमै गयो । सरकार, मन्त्री समेत छान्न सक्दैन र खाली राख्छ । राज्यमन्त्री नियुक्त गर्छ । हामी संघीयताको अभ्यासमा छौं तर यो दुई वर्ष सरकारले कामको लय समात्न सकेको छैन ।

लय समात्न पनि समस्या देखिन्छ । सरकार हाँकिरहेका मन्त्रीहरु सिक्दैछौं भन्नुहुन्छ । तर जनताको घरदैलोमा भोट माग्दै जाँदा ‘हामी जान्नेछौं, हामीलाई सबै थाहा छ’ भन्नुहुन्थ्यो । जान्ने छौं भनेकै कारण जनताले मत दिएका हुन् । तर अहिले उहाँहरु ‘इमोशनल’ हुनुहुन्छ जिम्मेवारी बोध कम छ ।

हामी प्रमुख प्रतिपक्षी दलले संघीयता धरापमा पर्ने हो कि भनेर सरकारलाई रचानात्मक सहयोग गरिरहेका छौं तर उहाँहरु संघीयताको सही ढंगले कार्यान्यन गर्न तयार हुनुहुन्न । साना कुरामा पनि माथिको निर्देशन पर्खनुहुन्छ । आफ्नो डिसिजनले काम गर्न सक्नुभएको छैन ।

एउटा उदारण हेरौं न प्रदेशको संसदले सामाजिक संघ संस्था दर्ता सम्बन्धी ऐन बनायो । तर त्यो ऐन गृह मन्त्रालयको एउटा चिट्ठीले नै रद्दीको टोकरीमा पुग्यो । मन्त्रालयको चिट्ठीले ऐन रोकिनु सामान्य होइन । सरकारले आफ्नो काम आफैं गर्न सक्दैन ।

नेपाली कांग्रेस संघीयतालाई जोगाउँदै सरकारलाई रचनात्मक सहयोग गरी जिम्मेवार प्रतिपक्षको भूमिका निर्वाह गरिरहेको छ । तर नेपाली समाज, सत्ता पक्ष र पत्रकारहरुले देखेको जस्तो प्रतिपक्ष हामी छैनौँ । हामीले देखेको प्रतिपक्ष हान्ने राँगो जस्तो हुनुपर्ने रहेछ तर नेपाली कांग्रेस गाई जसरी चल्न खोजिरहेको छ ।

सरकारको राम्रा कामको सकारात्मक प्रतिक्रिया दिनुपर्छ भनेर अघि बढेका छौं । संघीय संरचनामा प्रदेश जोगाउने जिम्मेवारी प्रतिपक्षीको काँधमा पनि छ ।

रचनात्मक भूमिका निभाउनुपर्छ भन्ने पक्षमा उभिएका छौं । सरकारले बाटो बिराउँदा बोलेर ठीक ठाउँमा ल्याउन आवाज उठाइरहेका छौं ।

बिडम्बना भन्नुपर्छ, दुई तिहाई बहुमतको सरकार छ तर आफैंमा धेरै कमजोर छ । कहिलेकाहीँ सामान्य बहुमत बलियो हुन्छ । तर दुई तिहाई सरकार आफंैभित्र हराइरहेको छ । सरकारको शैलीले संघीयता नै धरापमा जाला भन्ने चिन्ता छ ।

जनताले दुई तिहाई बहुमतको सरकारको काम हेरिसके । हिजो धेरै आशा गरेर भोट गरेका थिए । तर ती अपेक्षा पूरा भएनन् । अबको चुनावपछि सरकार हाम्रो स्थानमा आइपुग्छ । हामी सरकार चलाउँछौं ।
कुराकानीमा आधारित

jackson ribon