एमसिसी सम्झौता नेपालको लागि खतरा- विजुक्छे

भक्तपुर, १ फागुन । नेपाल मजदूर किसान पार्टीका अध्यक्ष नारायणमान विजुक्छेले एमसिसी सम्झौता नेपालका लागि खतरा भएको बताएका छन् ।

पार्टीले एमसिसीको खुलेर विरोध गर्दै आएको बताउँदै उनले नेपालका लागि एमसीसी खतरा रहेको बताए ।

भक्तपुर नगरपालिकाको छैटौँ नगरसभालाई सम्बोधन गर्दै उनले चीनबाट फर्काइने नेपालीलाई मानव बस्तीभन्दा टाढा लगेर स्वास्थ्य परीक्षण गर्नुपर्ने बताए ।

कार्यक्रममा भक्तपुर नगरपालिकाका प्रमुख सुनिल प्रजापतिले आर्थिक वर्ष २०७६÷७७ को लागि विनियोजित रकमको समीक्षा तथा नगरपालिकाका लागि आवश्यक ऐन, नियम, विनियम र कार्यविधिबारे जानकारी दिए ।

उनले ९९ करोड ८० लाख विनियोजन गरिएकोमा २०७६ पुस मसान्तसम्ममा ३६.२४ प्रतिशत अर्थात ३६ करोड १७ लाख २२ हजार मात्र खर्च भएको जानकारी दिए

चालु आव २०७६/०७७ मा पूँजीगततर्फ एक अर्ब १३ करोड ३० लाख विनियोजन गरिएकोमा २०७६ पुस मसान्तसम्म २२.१६ प्रतिशत अर्थात रु २५ करोड १० लाख ९५ हजार खर्च भएको प्रमुख प्रजापतिले जानकारी दिए ।रासस

Loading...