birat ribon

कालापानीलगायत सीमा समस्या छिटो समाधान गर्न माग

Neuro
कालापानीलगायत सीमा समस्या छिटो समाधान गर्न माग

काठमाडौं २६ पुस । नेपाल र भारतका बीचमा देखिएका सीमा समस्या छिटो समाधान गर्नुपर्नेमा विज्ञहरुले जोड दिएका छन् ।

बौद्धिक वृत्त नेपालले शनिबार काठमाडौंमा आयोजना गरेको ‘नेपाल–भारतसम्बन्धी अन्तक्रियात्मक विचार गोष्ठी’ का सहभागी वक्ताले कूटनीतिक तवरले सम्भव नभए राजनीतिक तहबाट समस्याको छिटो समाधान गरिनुपर्ने विचार व्यक्त गरे ।

cura insider

प्रबुद्ध व्यक्ति समूहका सदस्य सूर्यनाथ उपाध्यायले पछिल्लो समय भारतले आफ्नो नक्सामा राखेको कालापानी लिम्पियाधुराको विषय नेपालसँग भएका दस्तावेजका आधारमा समाधान गर्न सकिने बताए ।

काली नदीको मुहान लिम्पियाधुरा नै रहेको प्रमाण नेपालसँग सुरक्षित रहेकाले तथ्यका आधारमा कूटनीतिक एवं राजनीतिक तहबाट वार्ता गरी समस्याको समाधान गर्नुपर्ने उनले बताए ।

नेपाल कम्युनिष्ट पार्टी (नेकपा) का नेता लीलामणि पोखरेलले दुई वटा संसदीय समितिले सरकारलाई नेपालको वास्तविक नक्सा सार्वजनिक गर भनी निर्देशन दिँदा पनि गर्न नसक्नुका कारण के हो स्पष्ट पार्न माग गरे ।

उनले अन्तरर्राष्ट्रिय कूटनीतिलाई दह्रोसाथ अघि बढाउँदै राष्ट्रिय एकता कायम गरेर कालापानी, लिम्पियाधुरा, लिपुलेकलगायत सिमाना समस्या समाधान गर्न माग गरे । तराई क्षेत्रको सीमा समस्यामा त्यहाँका जनता भिड्दा पनि सरकार मूकदर्शक बन्ने गरेको उनले आरोप लगाए ।

भारतले सुस्ता हामी छोड्छौँ कालापानी तिमीहरु छोड भनी प्रस्ताव राख्ने तयारी गर्न लागेको सूचना प्राप्त भएकाले सरकार सचेत हुनुपर्ने नेता पोखरेलको भनाइ थियो ।

कार्यक्रममा कञ्चनपुरका पूर्वजिल्ला विकास समिति सभापति ऋषिराज लुम्सालीले कैलाश मानसरोवर जाने पर्यटकलाई आफ्नो देशको बाटो हिँडाउन, काली नदीको पानीको अधिकतम् प्रयोग गर्नेलगायत कारणले भारतले यो भूमि मिच्न खोजेको बताए ।

कार्यक्रममा डा. जगतकुमार भुसाल, पुण्यप्रसाद ओली र रतन भण्डारीले भारतले सीमा मिचेको सम्बन्धमा तथ्य प्रमाणसहितको प्रस्तुति गर्नुहुँदै नारायणी नदीको सुस्तालगायत स्थानमा भएको सिमानाको समस्या छिटो समाधान गरिनुपर्ने बताए ।

jackson ribon