birat ribon

बोइङ ७३७ लाई क्षेप्यास्त्रले खसालेको हुनसक्ने भोलोदिमिरको भनाइ

Neuro
बोइङ ७३७ लाई क्षेप्यास्त्रले खसालेको हुनसक्ने भोलोदिमिरको भनाइ

युक्रेन २५ पुस । पश्चिमी मुलुकहरूले दावी गरेजस्तै बुधबार इरानमा दुर्घटनाग्रस्त यूक्रेनी विमानलाई इरानी क्षेप्यास्त्र लागि खसेको हुनसक्ने तर यो कुरा पुष्टि नभएको यूक्रेनी राष्ट्रपति भोलोदिमिर जेलेन्स्कीले बताएका छन् ।

cura insider

संयुक्त राज्य अमेरिका, संयुक्त अधिराज्य (बेलायत) र क्यानाडाले उनीहरूको दावीलाई पुष्टि गर्न प्रमाण उपलब्ध गराउन शुक्रबार उनले आग्रह गरे ।

विमान दुर्घटना हुनुमा जहाजमा नै प्राविधिक समस्या देखिएको तेहरानले दावी गरेको छ । यता अमेरिका, बेलायत र क्यानडाका अधिकारीहरूले विमानलाई क्षेप्यास्त्रले लागेको श्रव्यदृश्य आफूहरूसँग उपलब्ध रहेको बताए ।

यूक्रेनी राष्ट्रपतिले भने, “हामी हाम्रा यूक्रेनी प्रतिनिधिसँग निरन्तर सम्पर्कमा रहेका छौँ । विमानमा क्षेप्यास्त्रले लागेको भन्ने दावीलाई खारेज गर्न सकिन्न तर शुक्रबारसम्म दावी पुष्टि भएको छैन् ।”

अमेरिका, बेलायत र क्यानाडा सरकारले जारी गरेका विज्ञप्तिलाई लिएर उनीहरूलाई घटनाबारे अनुसन्धानरत आयोगसमक्ष तथ्य प्रस्तुत गर्न आग्रह गर्दछौँ ,जेलेन्स्कीले टेलिग्राम ब्लगमा लेखेको रूसी समाचार संस्था स्पुटनिकले उल्लेख गरेको छ ।

चालक दलका नौ सदस्यसहित १७६ जना लिएर इरानको राजधानी तेहरानबाट यूक्रेनका लागि उडेको केही मिनेटमा विमान इरानमा दुर्घटनाग्रस्त भएको थियो । विमान दुर्घटना हुनुभन्दा केही मिनेट पहिले इरानले इराकस्थित अमेरिकी शिविरलाई लक्षित गरी आक्रमण गरेको थियो ।

विमान दुर्घटनाबारे जारी अनुसन्धानका बिषयमा अमेरिकी विदेशमन्त्री माइक पोम्पेओसँग कुराकानी गर्ने जेलेन्स्कीले बताउनुभयो ।

jackson ribon