birat ribon

काठमाडौँमा ‘स्वाइन फ्लु’ र ‘हङकङ फ्लु’को संक्रमण देखियो

Neuro
काठमाडौँमा ‘स्वाइन फ्लु’ र ‘हङकङ फ्लु’को संक्रमण देखियो

काठमाडौं, ८ पुस । काठमाडौँमा स्वाइन फ्लु र हङकङ फ्लु सार्ने इन्फ्लुएन्जा ‘ए’ को सङ्क्रमण देखिएको छ । शुक्रराज ट्रपिकल तथा सरुवा रोग अस्पताल टेकुमा उपचारका लागि पुगेका १५ वर्षीय किशोरमा इन्फ्लुएन्जा ‘ए’ भएको पुष्टि भएको अस्पतालका सरुवा रोग विशेषज्ञ डा. शेरबहादुर पुनले जानकारी दिएका हुन् ।

Padelux insider
cura insider

ती किशोरलाई स्वाइन फ्लु तथा हङकङ फ्लुमध्ये एउटा भएको तर, यीमध्ये कुनचाहिँ भएको भन्ने टुङ्गो लाग्न बाँकी रहेको हुँदा परीक्षणको थप रिपोर्ट आएपछि थाहा हुने डा. पुनले बताए । ‘एन वन एच वन’ विषाणुका कारण हुने स्वाइन फ्लुमा ज्वरो, खोकी, नाकबाट पानी बग्ने, श्वास फेर्न गाह्रो हुने, घाँटी, शरीर, टाउको दुख्ने, काँप्ने, अल्छी लाग्ने, झाडापखाला र बान्ता हुने, रोग कडा हुँदै शरीरको कमजोर भइ निमोनिया भएर बिरामीको ज्यानै जानसक्ने डा. पुनले थपे ।

यो रोग सुँगुरबाट मानिसमा र मानिसबाट मानिसमा सर्ने तर, मासुलाई राम्ररी पकाएर खाँदा सर्दैन । अहिले मौसमी रुघाखोकी र फ्लुका बिरामी बढेकाले सावधानी अपनाउन पनि डाक्टरले आग्रह गरेका छन् ।

यो रोग मानिसमा लक्षण देखाउनुभन्दा एक दिन अगाडिबाट सात दिनसम्म सर्न सक्ने हुन्छ । स्वाइन फ्लु र हङकङ फ्लु सर्ने भएकाले बिरामीको स्याहार गर्नेले पनि सावधानी अपनाउनुपर्ने हुन्छ । त्यसैले, खोक्दा या हाच्छियुँ गर्दा नाक र मुख सफा रुमालले छोप्ने, साबुनपानीले हात धुने, संक्रमित व्यक्तिसंग हात नमिलाउने, भीडभाडमा नजाने, जानै परे मास्क लगाउने, सार्वजनिक ठाउँमा गएका बेला अनावश्यक ठाउँमा नछुने गर्नाले पनि यो रोगबाट बच्न सकिन्छ ।

बालबालिका, वृद्धवृद्धा, दम, मधुमेहलगायतका समस्या भएका दीर्घरोगीलाई रुघाखोकीले छिट्टै समात्ने भएकाले विशेष ख्याल गर्नुपर्छ । मौसम परिवर्तनको समयमा सक्रिय हुने इन्फ्लुएन्जा नामक भाइरसका कारण रुघाखोकीका बिरामी बढेका छन् । मौसमी रुघाखोकी र फ्लुको लक्षण उस्तै भए पनि फ्लु लागेका बिरामीले डाक्टरको सल्लाहअनुसार औषधि खाएर आराम गर्नुपर्ने हुन्छ ।

jackson ribon