fbpx

सुँगुरको मासु खाएपछि शरीरभरि भेटिए फित्ते जुका

विराटनगर, १६ मंसिर । आधी पाकेको सुँगुरको मासुको सेवनले चीनका झु जोन्गफाको शरीरमा ७ सय बढी परजीवी फित्ते जुका अर्थात् टेपवर्म भेटिएका छन् । चीनका ४६ वर्षका झूका शरीरमा भेटिएको जुका दिमागदेखि मृगौलासम्म पुगिसकेको थियो ।

चीनका मडियाका अनुसार झुलाई अस्पताल पुर्याउँदा उनको मुखबाट फिँज निस्किएको र उनी बेहास भएका थिए । झुको उपचारको क्रममा डाक्टरहरूले झुको शरीरमा भेटिएको फित्ते जुकाको अण्डा पेटसम्म पुगिसकेको र रगतमार्फत् शरीरभरि फैलिसकेको पत्ता लागेको छ ।

फित्ते जुका सुँगुरको मासुमार्फत् उनको शरीरभित्र प्रवेश गरेको र बिस्तारै जुकाले आफ्नो संख्या बढाइरहेको डाक्टरहरूले बताए । डाक्टरका अनुसार फित्ते जुका टिनिया सोलियम संक्रमणबाट हुने रोग हो र झु टिनिएसिसबाट पीडित रहेका छ । जुकाको लार्भा राम्रोसँग नपाकेको सुँगुरको मासु तथा दुषित खानामार्फत् शरीरभित्र पुग्छ ।

झुले एक महिनाअघि सुँगुरको मासु खाएका थिए जुन पूर्ण रूपमा पाके वा नपाकेको राम्रोसँग उनलाई थाहा भएन । उक्त मासु खाएको एक हप्तापछि स्वास्थ्यमा समस्या देख्न थालेपछि उनले डाक्टरलाई सम्पर्क गरेका थिए । फित्ते जुकाबाट संक्रमण भएको अवस्थामा अत्यधिक टाउको दुख्ने, अँध्यारो छाउने, अट्याक हुने, बिर्सनेलगायतका लक्षण देखिन्छन् ।

झियांग युनिभर्सिटी अफ मेडिसिनसँग सम्बन्धित अस्पतालका डा. जियानरन्गका अनुसार झुको दिमाग र छातीको स्क्यान गरेपछि रिपोर्टमा फित्ते जुकाको पुष्टि भएको छ । मष्तिस्कबोहक फोक्सो र टाउकोको मांसपेशीमा पनि जुकाले संख्या बढाइरहेको छ । एन्टी प्यारासाइटिक औषधि दिएर जुका र लार्भालाई मारिइसकिएको भए पनि उपचार भने पूरा नभएको डा. हुआंगले बताएका छन् । डाक्टरहरूले मासु राम्ररी पकाएर मात्र खान सल्लाह दिएका छन् ।

asdf

Loading...