fbpx

उपनिर्वाचन २०७६ : सप्तरीमा राजपा नेपाल विजयी

सप्तरी, १५ मंसिर । सप्तरीको छिन्नमस्ता गाउँपालिका–७ को उपनिर्वाचनमा राजपा नेपाल विजयी भएको छ । मुख्य निर्वाचन अधिकृत चन्द्रमणि ज्ञवालीका अनुसार राजपा पार्टीका प्रमिलादेवी यादव ५४० मत ल्याई वडाध्यक्षमा निवार्चित भएकी हुन् ।

यादव नेपाल कम्युनिष्ट पार्टी (नेकपा) का अच्छेलाल यादवभन्दा ११ मत बढी ल्याई निर्वाचित भएकी हुन् । यसअघि वडाध्यक्षमा स्वतन्त्रबाट उम्मेदवार बनेका अच्छेलाललाई आठ मतको मतको अन्तरले पराजित गरी राजपा नेपालका प्रभाकर यादव निर्वाचित भएकी हुन् ।

उनी जिल्ला समन्वय समितिको प्रमुखमा निर्वाचित भएपछि रिक्त सो पदका लागि उपनिर्वाचन भएको हो । निर्वाचित प्रमिला प्रभाकर यादवकी श्रीमती हुन् । मतगणनाअनुसार नेपाली काङ्ग्रेसका शिवनारायण मण्डलले १५, जनमत पार्टीका दिनेश यादवले ११, राष्ट्रिय प्रजातन्त्र पार्टीका गजेन्द्र मण्डलले दुई, स्वतन्त्र उम्मेवारहरू नुरहसन मन्सुरीले दुई र धीरेन्द्रकुमार यादवले एक मत प्राप्त गरे ।

वडाध्यक्षको उपनिर्वाचनमा ७ सय ५७ पुरुष र ६ सय ४६ महिला गरी एक हजार चार सय तीन मतदाता थिए । रासस

Loading...