fbpx

अश्लील म्यासेज पठाउँदा अभद्र व्यवहार मुद्दा

विराटनगर, २० कात्तिक । सामाजिक सञ्जालमार्फत अश्लील म्यासेज पठाएको आरोपमा पक्राउ परेका खेमराज नेपाललाई प्रहरीले अभद्र व्यवहार मुद्दा दर्ता गरेको छ । विराटनगर–३ भट्टा चोकमा बस्दै आएका नेपाललाई जिल्ला प्रहरी कार्यालय मोरङले अभद्र व्यवहार मुद्दा दर्ता गरेको हो ।

पक्राउ परेका नेपाल जग्गा कारोवार र पर्यटन व्यवसायसँगै लायन्स क्लबमा पनि सक्रिय छन् ।

विराटनगर पुष्पलाल चोककी एक महिलाले दिएको उजुरीका आधारमा पक्राउ परेका नेपाललाई मंगलबार अभद्र व्यवहार मुद्दा दर्ता गरिएको जिल्ला प्रहरी कार्यालय मोरङका प्रवक्ता प्रहरी नायव उपरीक्षक राजकुमार खिइजूले जानकारी दिए ।

प्रहरीका अनुसार नेपालले महिलालाई सामाजिक सञ्जाल फेसबुकको म्यासेञ्जरमा अश्लील सन्देश पठाएका थिए । म्यासेज पठाए लगत्तै महिलाले प्रहरीलाई मौखिक उजुरी गरेकी थिइन् । उजुरीलगत्तै प्रहरीले नेपाललाई नियन्त्रणमा लिएको थियो ।

aa

पीडित महिलाले मंगलबार मात्र लिखित उजुरी दिएपछि अभद्र व्यवहार मुद्दा दायर गरिएको डिएसपी खिइजूले बताए ।

सामाजिक सञ्जालमार्फत गरेको दुर्व्यवहारमा साइबर क्राइमअन्तर्गत मुद्दा चल्छ । तर, पीडित महिलाले साइबर क्राइम मुद्दा चलाउन नमानेपछि अभद्र व्यवहार मुद्दा दर्ता गरेको प्रहरीले बताएको छ ।

Loading...