fbpx

अमेरिकामा शरण दिइने सङ्ख्यामा थप कटौती

अमेरिका १० असोज । राज्य अमेरिकाले देशभित्र अनुमति दिइने शरणार्थीहरूको सङ्ख्या भारी मात्रामा कटौती गर्ने घोषणा गरेको छ । आगामी वर्षबाट १८ हजार जनालाई मात्र पुर्नस्थापित गरिने अमेरिकी विदेश मन्त्रालयले जनाएको हो ।

हालको तुलनामा अमेरिकाले सङ्ख्या ४० प्रतिशतले घटाउने भएको हो । यस वर्ष अमेरिकामा ३० हजार शरणार्थी रहन सक्ने गरी संख्या तोकिएको थियो । अमेरिकाको यो पछिल्लो कदमलाई मानव अधिकारवादी तथा यससँग आबद्ध संस्थाहरुले भने आलोचना गरेका छन् । शरणार्थी पुर्नस्थापना कार्यक्रम अन्तर्गत यो सङ्ख्या सबैभन्दा कम हो । यसै वर्षको सङ्ख्या ३० हजार पनि सन् १९८० यताको सबैभन्दा कम हो । पूर्व अमेरिकी राष्ट्रपति बाराक ओबामाले राष्ट्रपति कार्यालय छोडेको अवस्थामा सरणार्थीको सङ्ख्या ८५ हजार रहेको थियो ।

अमेरिकी राष्ट्रपति डोनाल्ड ट्रम्पले शराणार्थीहरूको पुनर्वास कार्यबाट राज्य सरकार र स्थानीय सरकार पछि हट्न सक्ने एउटा कार्यकारी आदेशमा हस्ताक्षर गर्नु भरेका छन् । त्यो निर्णयपछि अमेरिकामा शरणार्थी संख्या कटौती गर्न थालिएको हो । यो दिन अमेरिकाको लागि अत्यन्त दुखतः दिन भएको अन्तर्राष्ट्रिय उद्धार कमिटीका सिइओ डेभिड मिलिबान्दले बताए ।

सन् २००१ को सेप्टेम्बरमा भएको हमलापछि सन् २००२ मा शरणार्थीहरूको सङ्ख्यामा भारी कटौती गरेर २७ हजार पु¥याइएको थियो । शरणार्थीको यस सङ्ख्याअन्तर्गत दुःख पाएका धार्मिक अल्पसङ्ख्यकहरूका लागि ५ हजार स्थान सुनिश्चित गरिने आदेशमा बताइएको छ । त्यसैगरी ग्वाटेमाला, होन्डुरस र एल साल्भाडोरबाट शरण खोज्दै अमेरिकाको दक्षिणी सिमामा आउनेहरूका लागि पनि एक हजार ५०० कोटा छुट्याइने बताइएको छ ।

Loading...