fbpx

मेगामा गाभिँदै गण्डकी विकास बैंक

काठमाडौं ८ असोज । मेगा बैंक नेपाल लिमिटेडले गण्डकी विकास बैंक लिमिटेडलाई गाभ्ने सहमति भएको छ । मेगाले गण्डकीलाई प्राप्ति गर्ने सैद्धान्तिक सहमति भएको हो । मेगा बैंक सञ्चालक समितिका अध्यक्ष भोजबहादुर शाह र गण्डकी विकास बैंक लिमिटेडका सञ्चालक समितिका अध्यक्ष सुशील गौचनले दुवै बैंकको सञ्चालक समितिका सदस्यलगायत प्रमुख कार्यकारी अधिकृतको रोहवरमा बुधबार सैद्धान्तिक सहमतिपत्रमा हस्ताक्षर गरे ।

अब मेगा बैंकको पूँजी, व्यवसायको आकारका साथसाथै ठूलो शाखा भएको ‘क’ वर्गको वाणिज्य बैंकका रुपमा स्थापित हुने मेगा बैंकका अध्यक्ष शाहले बताए । गण्डकी विकास बैंक लिमिटेडको शेयर रोक्काको प्रक्रियालगायत नेपाल राष्ट्र बैंकसमक्ष संयुक्त निवेदन दर्ता गर्ने कार्य यथाशीघ्र अघि बढाइने उनले जानकारी दिए ।

असार मसान्त २०७६ को तथ्याङ्कअनुसार दुवै बैंकको संयुक्त निक्षेप १ खर्ब १२ अर्ब तथा कर्जा लगानीको आकार ९८ अर्ब रुपैयाँ रहेको र हालको शाखा सङ्ख्या १ सय ९१ पुगेको छ ।

Loading...