birat ribon

१० असोजबाट दशैंका लागि नयाँ नोट साटिने

Neuro
१० असोजबाट दशैंका लागि नयाँ नोट साटिने

काठमाडौं, ३ असोज । नेपाल राष्ट्र बैंकले १० असोजबाट नयाँ नोट उपलब्ध गराउने भएको छ । दशैँ पर्वका लागि सरकारले राष्ट्र बैंकले १० असोजबाट नयाँ नोट उपलब्ध गराउने भएको हो । नयाँ नोट विभिन्न बैंक तथा वित्तीय संस्थामा उपलब्ध हुनेछ ।

केन्द्रीय बैंकले आफ्नै मुद्रा व्यवस्थापन विभाग, बालुवाटार र विराटनगर, जनकपुर, विरगञ्ज, पोखरा, सिद्धार्थनगर, नेपालगञ्ज र धनगढी कार्यालयमा नयाँ नोट उपलब्ध हुने जनाएको छ ।

cura insider

राष्ट्रिय वाणिज्य बैंक, नेपाल बैंक र कृषि विकास बैंकलगायत अन्य बैंकहरूबाट चाडबाडलाई केन्द्रमा राखेर नयाँ नोट साटन पाइने उल्लेख छ । बैंकले  पाँच, दश, २०, ५० र १०० दरका एक÷एक पकेट गरी प्रति व्यक्ति १८ हजार ५०० का दरले नयाँ सटही सुविधा उपलब्ध गराउने जनाएको छ ।

सो रकमभन्दा बढी सटही सुविधा आवश्यक हुने व्यक्तिलाई सुकिलो नोट उपलब्ध गराइने बैंकले जनाएको छ । वाणिज्य बैंकहरु, विकास बैंक तथा वित्तीय संस्थाका शाखा कार्यालयबाट पनि सुकिलो तथा सीमितमात्रामा नयाँ नोट सटहीका लागि उपलब्ध गराइनेछ । आफ्नो खाता भएको बैंक तथा वित्तीय संस्थाबाट पनि सुकिलो नोट सटही गर्न सकिने सूचनामा उल्लेख छ ।

नोटमा केरमेट नगर्न आग्रह

केन्द्रीय बैंकले नोटमा केरमेट नगर्न आग्रह गरेको छ । टीका लगाई दक्षिण दिँदा, पूजाआजा गर्दा वा अन्य कुनै धार्मिक वा सांस्कृतिक कार्य गर्दा रङ्ग लागेका वा मैलिएका हातले नोट नछुन बैंकले सबैलाई आग्रह गरेको हो । नोट चलनचल्तीमा आउन नसक्ने भएकाले नयाँ वा सुकिलो नोटको सुरक्षा गर्न आग्रह गरेको छ । रासस

jackson ribon