birat ribon

डा. सन्दुक रूइतको जीवनी नेपालीमा सार्वजनिक हुँदै

Neuro
डा. सन्दुक रूइतको जीवनी नेपालीमा सार्वजनिक हुँदै

विराटनगर, २ असोज । विश्वविख्यात आँखा सर्जन डा. सन्दुक रूइतको जीवनीमा आधारित रहेको किताब ‘सन्दुक रूइत’ असोज ११ गते सार्वजनिक हुने भएको छ । अस्ट्रेलियन पत्रकार अली ग्रिपरले लेखेको अंग्रेजी भाषाको किताबलाई लेखक खगेन्द्र संग्रौलाले नेपालीमा अनुवाद गरेका हुन् ।

डा. रूइतको जीवनी लाखौं मानिसलाई आँखाको ज्योति प्रदान गर्ने एक नेत्र चिकित्सकको प्रेरणादायी कथा हो । उनले म्यागासेसे, पद्मभूषण जस्ता प्रतिष्ठित पुरस्कारसमेत पाएका छन् । अङ्ग्रेजीमा लेखिएको मेरो जीवनीको नेपाली अनुवाद आउँदै गर्दा आफू एकदम हर्षित भएको भन्दै डा. रूइतले भनेका छन्, ‘मेरो जीवनीमा आधारित रहेको पुस्तकले कसैलाई परोपकार वा सत्कर्मको बाटोमा लाग्न प्रेरित गर्छ भने म मेरो जीवन सार्थक भयो भन्ने म ठान्नेछु ।’

cura insider

aa

विभेदकारी जातप्रथाको सबैभन्दा तल्लो तहमा दुर्गम हिमाली गाउँमा जन्मिएर कठिन प्रयत्न एवम् अथक सङ्घर्षका अनेक घुम्ती पार गर्दै संसारकै सबैभन्दा आदरणीय मान्छेमध्ये एक बनेका नेत्रविशेषज्ञको जीवनको कथालाई किताबमा समेटिएको छ । पुस्तक अनुवादक खगेन्द्र संग्रौलाका अनुसार सन्दुक रूइतको जीवन जिज्ञासा र अन्वेषण, सङ्घर्ष र सङ्कल्प, साहस र सेवाभाव, करूणा र परोपकार तथा त्याग र समर्पणले ओतप्रोत एवम् सादा जीवन, उच्च विचारको आदर्शले शोभित सानदार जीवन भएको हुँदा रूइतको नागबेली जीवनयात्रा बहुआयामिक विशिष्टतायुक्त, प्रेरणादायी एवम् अनुकरणीय रहेको छ ।

डा. रूइत जस्ता उत्कृष्ट मानिसको भव्य जीवन कथा अनुवाद गर्दाका क्षण मेरोसबै भन्दा जीवनका सुखद र सार्थक क्षणहरु रहेको खगेन्द्रले थपे । विनयशीलता र परोकारका प्रतीक डा. रूइतको जीवनी प्रकाशन गर्न पाउनु हाम्रा लागि ठूलो सौभाग्य रहेको प्रकाशक फाइनप्रिन्टका प्रमुख कार्यकारी अधिकृत नीरज भारीले बताए ।

पहिलो पटक अङ्ग्रेजीमा प्रकाशन गरेको अस्ट्रेलियन प्रकाशन गृह एलेन एन्ड अनविनसंग अनुवाद अधिकार लिएर फाइनप्रिन्टले उक्त कितावलाई नेपालीमा छापेको हो । एक विशेष समारोहबीच काठमाडौंमा लोकार्पण हुने उक्त पुस्तकको मूल्य ५५० रुपैयाँ मूल्य रहेको छ ।

jackson ribon