fbpx

एशियाली डोरीतान प्रतियोगितामा पहिलो पटक नेपाल सहभागी हुँदै

विराटनगर २६ भदौ । नेपालले एशियाली डोरीतान खेलमा पहिलो पटक सहभागिता हुने भएको छ । शनिबारदेखि थाइल्याण्डमा हुने १४औँ एशियाली डोरीतान प्रतियोगितामा नेपाल पहिलो पटक सहभागी हुन लागेको हो ।

दुई दिनसम्म चल्ने प्रतियोगितामा सहभागी हुन जाने टोलीलाई आज विराटनगरमा बिदाइ गरिएको छ । मोरङ जिल्ला डोरीतान सङ्घले आयोजना गरेको कार्यक्रममा प्रदेश नं १ का सामाजिक विकासमन्त्री जिवन घिमिरेले खेलाडीहरुलाई शुभकामना दिँदै बिदाइ गरे ।

newss

टोलीमा कप्तान युवराज चौधरी, सन्तोष तामाङ, अशोक चौधरी, कृष्ण बोगटी, सुजन भुर्तेल, इमरान मिया, महेश चौधरी, रवी कार्की, कृष्ण योञ्जन, दीपक घिमिरे, निरञ्जन विश्वास र मिनराज शर्मा बेलबासे छन् ।

मुख्य प्रशिक्षक निश्चलराज शाक्य र प्रशिक्षक सूर्य भट्टराई पनि टोलीमा रहेको जिल्ला डोरीतान सङ्घकी अध्यक्ष रिता न्यौपानेले जानकारी दिइन्। प्रतियोगितामा २० देशको सहभागि हुने छन् ।

Loading...