fbpx

‘द भ्वाइस अफ नेपाल सिजन २’ आजबाट प्रशारण हुँदै

विराटनगर,
नेपालको चर्चित सिङगिङ रियालिटी शो ‘द भ्वाइस अफ नेपाल’को दोस्रो सिजन साउन ३१ गते गाईजात्राको अवसर पारेर आजबाट प्रशारण हुने छ । प्रदर्शनको एक दिन अगाडी कार्यक्रमको विशेष प्रिमियर काठमाडौँमा गरिएको थियो ।

बिहीबार आयोजना गरिएको प्रिमियरमा साङ्गीतिक क्षेत्रका व्यक्तिहरु, शोको टिमहरू उपस्थिति रहेको थियो । ‘दि भ्वाइस’को प्रिमियरमा दोस्रो सिजनको पहिलो भागको प्रदर्शन गरिएको थियो । ‘दि भ्वाइस अफ नेपाल’ हिमालय एचडी टिभीमा शुक्रबार र शनिबार बेलुकी ८ बजेबाट प्रसारण हुँदैछ ।

दोस्रो सिजनमा कोच दीप श्रेष्ठ र प्रमोद खरेलका साथमा गायिका आस्था राउत र गायक राजु लामाको इन्ट्री भएको छ । कार्यक्रमका जम्मा गरेर ३२ वटा श्रृंखला प्रशारण हुने भएको छ । पहिलो सिजनकोभन्दा यस सिजनमा एकसेएक प्रतिस्पर्धी भएकाले प्रतिस्पर्धा निकै कडा रहेको शोका निर्देशक लक्ष्मण पौडेलले बताएका छन् ।

पहिलो सिजनमा खासै यो कार्यक्रम राम्रो नभएको भन्ने विभिन्न गुनासो आएकाले यसपटक नयाँ फम्र्याटमा कार्यक्रमलाई संचालन गरिएको छ । गत वर्ष ‘द भ्वाइस अफ नेपाल’ को लाइभ शोमा एकै दिन चारजना आउट भएको गुनासो आएका कारणले यसपटक ‘ब्लाइन्ड’, ‘ब्याटल’ पछि प्रत्यक ‘लाइभ शो’मा एक जनाका दरले आउट हुने र फिनालेमा पुग्नका लागि ‘लाइभ शो’ पछि ‘नक आउट चरण’ थपिने भएको छ ।

यो वर्ष ‘नक आउट’ चरणमा धेरै बाहिरने भएका छन् । दुई हजार दुई सय सहभागी भएका प्रतिस्पर्धी मध्ये ‘डिजिटल अडिसन’बाट ११० जना प्रतिस्पर्धीलाई छनोट गरिएको हो ।

Loading...