fbpx

एउटै वडामा ६० जनालाई डेंगु

हेटौडा । सुनसरीको धरानमा महामारीको रुप लिएको डेंगु नियन्त्रणमा नआउँदै हेटौंडामा डेङ्गुको प्रकोप फैलिएको छ । हेटौंडा  उपमहानगरपालिकामा प्रकाेप फैलिएकाे हाे । हेटाैडाकाे वडा नं ४ मा मात्रै ६० जनालाई डेङ्गु सङ्क्रमण छ ।

प्रकोपको रुपमा डेंगु फैलिएपछि नेपाली सेना, नेपाल प्रहरी तथा सशस्त्र प्रहरी नियन्त्रणकालागि सक्रिय भएका छन् । हेटौँडाको पशुपति मन्दिर परिसरबाट ठूलो सङ्ख्यामा सर्वसाधरण, विभिन्न सङ्घसंस्थाका प्रतिनिधि, राजनीतिक दलका पदाधिकारी, प्रदेशसभा सदस्य, नेपाली सेना, प्रहरी तथा सशस्त्र प्रहरीका अधिकृत हेटौँडा उपमहानगरपालिकाका पदाधिकारी, नगर प्रहरीलगायत सयौँको सङ्ख्यामा स्थानीयवासी तथा सुरक्षाकर्मी लामखुट्टे नष्ट गर्ने अभियान ‘सर्च एण्ड डिस्ट्रोय’ मा सहभागी भएको हेटौँडा उपमहानगरपालिकाका जनस्वास्थ महाशाखा प्रमुख सुपेन्द्र कार्कीले जानकारी दिए ।

कार्कीका अनुसार हेटौँडा उपमहानगरपालिकाको वडा नं ४ मा मात्रै ६० जनालाई डेङ्गु सङ्क्रमण छ । यो सङ्ख्या जिल्लाभरिको डेङ्गु सङ्क्रमितहरुको करीब आधा हो । नियन्त्रणको प्रयासका बाबजुद पनि मकवानपुरमा डेङ्गुका बिरामीको सङ्ख्या बढ्दै गएपछि बृहत सचेतना, सरसफाइ तथा डेङ्गु सार्नसक्ने लामखुट्टेको सम्भावित बासस्थानको खोजी गरी नष्ट गरिने कार्य सञ्चालन गर्न थालेको महाशाखा प्रमुख कार्कीको भनाइ छ ।

प्रतिक्रिया

Loading...