fbpx

यस्तो हुन्छ मंगलबार जन्मिएका व्यक्तिहरूको स्वभाव

ज्योतिष शास्त्रका अनुसार मानिसको चालचलन, व्यवहारलगायत अन्य गतिविधि मानिस जन्मेको जन्मबार, महिना र समयले निर्धारण गरेको हुन्छ । को मान्छे कुन बार तथा कति बेला जन्मेका हो उक्त साइतले उसको स्वाभाव र चरित्र निर्धारण गर्ने ज्योतिषहरुले बताउँदै आएका छन् ।

मंगलबार जन्मेका व्यक्तिहरु निकै बहादुर, स्मार्ट र एक्टिभ हुने भएकाले उनीहरु आफ्नो हरेक काम निकै गम्भीरताका साथ गर्ने गर्दछन् । उनीहरुको स्वभाव परोपकारी किसिमको हुने गर्छ त्यहि भएर यी व्यक्तिहरु अरु मानिसहरुलाई सहयोग गर्न सधैँ तयार रहने गर्छन् ।

मंगलबार जन्मेका व्यक्तिहरु इमान्दार हुनुका साथै साँचो कुरा बोल्ने गर्दछन् र अरुको सहायता नलिइ आफैँ नै मेहेनत गरेर सफलता हाँसिल गर्ने गर्छन् । झुटो तथा गलत कुराहरु सहन नसक्ने भएका कारणले अरुले झुटो बोलेमा वा गलत गरेमा उनीहरुलाई रिस पनि धेरै नै उठ्ने गरेको पाइन्छ ।

मंगलबार जन्मिएका व्यक्तिहरु सजिलैसँग कसैलाई पनि माफी दिने गर्दैनन् । उनीहरुलाई विलासिताको जीवन बाँच्न मनपर्ने हुँदा यी व्यक्तिहरुसँग निकै धेरै लुगा, गाडी, घरलगायत विलासिताका सबै सामग्रीहरुमा रुचि हुने गर्छ साथै यिनीहरुले कमाएर आफ्नो रहर पनि पुरा गरिरहेका हुन्छन् । रहर पूरा गर्नका लागि यस्ता व्यक्तिहरु निकै खर्चिला हुने गर्दछन् र आफ्नो निर्णय आफैँ लिने गर्दछन् ।

मंगलबार जन्मिएका व्यक्तिहरु भगवानमाथि विश्वास राख्ने गर्दछन् । यस्ता व्यक्तिहरुको वैवाहिक जीवन निकै सुखमय तरिकाले व्यतीत हुन्छ किनभने यिनीहरुले निकै राम्रो जीवनसाथी पाउने गर्दछन् । मनको निकै कोमल भएपनि यिनीहरुलाई कुनै पनि कुराबाट छिट्टै मन भरिन सक्छ । स्ट्रेट फरवार्ड हुने भएका कारण धेरैजसो मानिसहरुले उनीहरुको बारेमा गलत धारणा राखेका हुन्छन् ।

प्रतिक्रिया

1 × 1 =

Loading...