fbpx

नङ टोक्ने बानीले निम्त्याउन सक्छ स्वास्थ्यमा गम्भीर समस्या

धेरै जसो मानिसको नङ टोक्ने बानी हुने गर्छ । बालबालिकामा देखिने यस्तो बानी सामान्य भएपनि अलि धेरै उमेर पुगेका मानिसले नङ टोकीरहेको समेत देख्न सकिन्छ । नङ टोक्ने बानी एकदम खराब हो भने नङ टोक्ने मानिसलाई फोहोरी समेत भनिने गर्छ । त्यसैले अभिभावक तथा स्कुलमा शिक्षकहरुले बालबालिकालाई नङ टोक्नु हुँदैन र नङ टोक्दा हुने स्वास्थ्य समस्याको बिषयमा सिकाउन जरुरि देखिन्छ ।

शरीरको विभिन्न अंगमध्ये नङ फोहर र संक्रमण बोक्ने प्रमुख अंग हो भने नङ टोक्ने बानीले हाम्रो शरीरमा विभिन्न प्रकारका संक्रमण फैलिने डर पैदा हुन्छ । हामीले जानी वा नजानी नङ टोक्दा हाम्रो शरीरमा विभिन्न परकरको स्वास्थ्य समस्याहरु निम्तिने गर्छन । नङ टोक्ने मानिसको मुखमा धेरै ब्याक्टेरिया हुने गर्छ जुन नङबाट सरेको हुन्छ । जसले गर्दा हैँजा तथा पखालाजस्ता संक्रमण छिट्टै नङबाट सर्न सक्ने सम्भावना हुने गर्छ
ि
बारम्बार नङ टोक्ने गर्दा नङसंग नङ नजिकैको छाला पनि उक्किने गर्दा रक्तस्राब हुनुका साथै अत्यन्त दुखाइ पनि हुन्छ । यसले गर्दा नङ वरपरको छालालाई असर गर्छ र पारोनाइसिया नामक छालाको संक्रमण हुन्छ । यस्तो समयमा नङ रातो हुने र नङ वरपरको मासु सुन्निने खतरा धेरै हुने गर्छ । नङ टोकिरहने मानिसको नङको स्वरुप फेरिन सक्छ र नङ बांगो हुन जान्छ ।

नङ टोक्दा नङमा भएको फोहर मुख हुँदै आन्द्रामा जाने भएकाले यसको पहिलो असर मुखमा हुन्छ र पछि गएर आन्द्रामा पर्छ । यसरी नङ टोक्दा मुखमा ब्याक्टेरिया जम्मा हुने भएकाले सास गन्हाउने तथा मुखमा फोकाहरु आऊने समस्या देखा पर्न थाल्छ । हामीले यदि बिहान बेलुकै दाँतलाई ब्रस गरेर सफा राखे पनि नङ टोक्ने बानी छ भने ब्याक्टेरियाले गर्दा हाम्रो सास गन्हाउने भएको हुन्छ ।

मुखमा फैलिने विभिन्न भाइरस पाठेघरको मुखको क्यान्सरको कारक समेत हुने पाइएको छ । नङमा भएको फोहोरको माध्यमबाट पेटमा जुका पर्न सक्ने सम्भावना हुने गर्छ । नङ पालिस लगाउने महिलाहरुको नङ टोक्ने बानी छ भने, पालिसमा भएको विभिन्न केमिकलहरु शरीरभित्र सजिलै पस्न सक्ने हुदा हाम्रो शरीरमा विभिन्न समस्या उत्पन्न गराउन थाल्छ । सधै नङ टोक्ने मानिसले बिस्तारै नङ टोक्न छोडे पनि केहीको नङ सधैँका लागि खराब समेत हुन सक्छ ।

प्रतिक्रिया

Loading...