birat ribon

मलेसियाविरुद्ध जित निकाल्दै नेपालद्वारा ऐतिहासिक ‘क्लिन स्वीप’

Neuro
मलेसियाविरुद्ध जित निकाल्दै नेपालद्वारा ऐतिहासिक ‘क्लिन स्वीप’

विराटनगर,
मलेसिया भ्रमणमा रहेको नेपालले दोस्रो तथा अन्तिम टी–ट्वान्टी अन्तर्राष्ट्रिय क्रिकेटमा ऐतिहासिक क्लिन स्वीप गरेको छ । पहिलो खेलमा घरेलु टिम मलेसियालाई हराएको नेपालले दोस्रो खेलमा पनि जित निकाल्दै ऐतिहासिक क्लिन स्वीप गरेको हो ।

आइतबार भएको खेलमा नेपालले मलेसियाविरुद्ध ६ रनको जित निकालेको हो । किनारारा ओभल क्रिकेट मैदानमा नेपालले दिएको १ सय ७४ रनको लक्ष्य पछ्याएको मलेसियाले ७ विकेटको क्षतिमा १ सय ६७ रन मात्र बनायो ।

cura insider

मलेसियाका लागि सिद्ध अजिजले ५० रन बनाउँदा अमिनुद्धिन राम्लीले २४ रन बनाए । यसैगरी वीरेन्दीप सिंहले २३ रन बनाए । नेपालका लागि नेपालका सोमपाल कामी र सन्दीप लामिछानेले समान २–२ विकेट लिए भने कप्तान पारस खड्का, करण केसी र अभिनाश बोहोराले समान एक–एक विकेट लिए ।

त्यसअघि टस जितेर पहिले ब्याटिङमा उत्रिएको नेपालले निर्धारित २० ओभर खेल्दा ६ विकेटको क्षतिमा १ सय ७३ बनाएको थियो । नेपालका लागि विनोद भण्डारीले अजिवित ५१ रन बनाए । उनको अर्धशतकमा नेपालले कीर्तिमानी लक्ष्य दिएको थियो ।

टी–ट्वान्टी आईमा नेपालले बनाएको यो हालसम्मकै उच्च स्कोर हो । यसअघि सन् २०१४ को टी–ट्वान्टी विश्वकप क्रिकेटमा हङकङविरुद्ध नेपालले १४९ रन बनाएको थियो । यस्तै नेपालका लागि शरद भेषवाकरले ४० रन बनाउँदा कप्तान पारसले २३ रन बनाए ।

बलिङमा मलेसियाका फित्री सामले ३ विकेट लिए उनले ३ ओभरमा २६ रन खर्चिए ।

योसँगै नेपालले मलेसियाविरुद्ध दुवै खेलमा जित निकाल्दै क्लिन स्वीप गर्यो । यसअघि नेपालले शनिबार भएको पहिलो टी–२० खेलमा मलेसियलाई ७ विकेटले हराएको थियो । आगामी साउन ६ देखि सिंगापुरमा हुने आईसीसी टी–२० विश्ववकप एसिया छनोट प्रतियोगिताको तयारीका लागि नेपालले मलेसियासँग २ खेलको टी–२० सिरिज खेलेको हो ।

jackson ribon