birat ribon

बाढी पहिरो अपडेटः प्रदेश १ मा मृत्यु हुनेको संख्या १५ पुग्यो, ६ जना बेपत्ता (नामावलीसहित)

Neuro
बाढी पहिरो अपडेटः प्रदेश १ मा मृत्यु हुनेको संख्या १५ पुग्यो, ६ जना बेपत्ता (नामावलीसहित)

विराटनगर । बिहिवारयता परेको अबिरल वर्षासँगै आएको बाढी र पहिरोका कारण प्रदेश १ मा १५ जनाको ज्यान गएको छ । निरन्तरको वर्षापछि आएको बाढी र पहिरोका कारण  १४ जिल्ला रहेकाे प्रदेश १  मा १५ जनाको मृत्यु भएको हो । बाढीका कारण बेपत्ता हुनेको संख्या ६ पुगेको छ ।

cura insider

प्रदेश प्रहरी कार्यालय विराटनगरका अनुसार खोटाङमा–३ जना, झापामा–२ जना, ओलढुंगामा–३ जनाको मृत्यु भएको छ । त्यस्तै भोजपुरमा– ५ जना , इलाममा–१ जना र सुनसरीमा १ जना गरी प्रदेश १ का ६ जिल्लामा बाढीबाट मृत्यु हुनेको संख्ष १५ पुगेको छ ।

प्रहरीका अनुसार मोरङमा ३ जना , पाँचथरमा १ जना , झापामा १ र सुनसरीमा १ जना बेपत्ता भएका छन् ।

प्रदेश प्रहरी कार्यालय विराटनगरका अनुसार ओखलढुंगा मोलुङ गाउँपालिका–७ पात्ले बस्ने ४० वर्षीया खपुटी शेर्पा र निजको छोरी १२ बर्षीया याङजी शेर्पाको पहिरोले पुरिएर मृत्यु भएको छ । शनिवार बिहान ११ बजे घर माथिबाट पहिरो खसि पुरिएर बेपत्ता भएका दुबै जनाको खोजतलासका क्रममा अपरान्ह २ बजे शव फेला परेको थियो ।

भोजपुर रामप्रसाद राई गाँउपालिका ५ बस्ने ३५ बर्षिया मनकुमारी राईको पुरिएर मृत्यु भएको छ । शनिवार बिहान आफ्नै भान्सा घरले किच्दा पुरिएर बेपत्ता भएकी राईको खोजतलास गर्ने क्रममा ४ बजे शव फेला परेको थियो ।

झापा शिवसताक्षी नगरपालिका–५ सालमारामा रहेको बनियानी खोलाले बगाउँदा ९ बर्षीय सौगात चापागाईको मृत्यु भएको छ । शनिवार फुपुको छोरी समिक्षा पौडेल सँग खोला छेउमा खेल्ने क्रममा चिप्लिएर खोलामा पसेका थिए । खोजतलाको क्रममा उनको शव भेटिएको प्रहरीले जनाएको छ ।

प्रदेश प्रहरी कार्यालयका अनुसार मृत्युहुनेको नामावली

  1. भोजपुर रामप्रसाद राई गाउँपालिका– ७ का ६६ वर्षिय जगतबहादुर राई
  2. भोजपुर ट्याम्केमयुम गाउँपालिका ९ बस्ने बर्ष १४ को जनक बि.क
  3. ओखलढुङगाको चिसुङखुगडी गाउँपालिका ४ बस्ने बर्ष ८५ की पासाङ शेर्पा
  4. ईलामको चुलाचुली १ बस्ने बर्ष ५० को अंचल लावती
  5. खोटाङ खोटेहयाङ गाउँपालिका–२ बस्ने बर्ष २८ वर्षिय रेखा राई, उनका छोरा ४ वर्षिय रोमन राई र ७ महिनाको रोहन राई
  6. झापाको दमक नगरपालिका १० बस्ने  ६ वर्षिय ऐलिजा न्यौपाने
  7. सुनसरीको इटहरी बस्दै आएका ३५ वर्षिय सागर थापा
  8. ओखलढुंगा मोलुङ गाउँपालिका–७ पात्ले बस्ने ४० वर्षीया खपुटी शेर्पा र उनकी छोरी १२ बर्षीया याङजी शेर्पा
  9. भोजपुर रामप्रसाद राई गाँउपालिका ५ बस्ने ३५ बर्षिया मनकुमारी राई  र १५ बर्षिय  सक्तीकुमार राई
  10. झापा शिवसताक्षी नगरपालिका–५ सालमाराका ९ बर्षीय सौगात चापागाई

६ जना बेपत्ता

निरन्तरको वषापछि आएको बाढीले बगाउँदा मोरङमा तीन जना बेपत्ता भएका छन् । २५ गते देखि निरन्तर परेको अविरल बर्षाको कारण बढेको खोलाले बगाउँदा मोरङमा तीन जना बेपत्ता भएका हुन् ।

शनिबार कटहरी गाउँपालिका ४ वस्ने ५० वर्षिय सोभा सोरेन र जहदा गाउँपालिका ५ वस्ने बस्ने १६ को आदर्श पोदार बेपत्ता भएका हुन् । त्यस्तै शुक्रबार पाँचथर, झापा, सुनसरी र माेरङमा एक एक जना बेपत्ता भएका थिए

बेपत्ताकाे नामावली

  1. मोरङ कटहरी गाउँपालिका ४ वस्ने ५० वर्षिय सोभा सोरेन
  2. मोरङ जहदा गाउँपालिका ५ वस्ने बस्ने १६ को आदर्श पोदार, कानेपोखरी गाउँपालिका २ बाट पहिचान नखुलेका एक जना बेपत्ता
  3. पाँचथर २७ गते मिक्लाजुङ  गाउँपालिका  ४ बस्ने बर्ष ९ को दिवन राई
  4. झापा २७ गते भद्रपुर नगरपालिका ९ बस्ने बर्ष ४५ को सफल हज्दा
  5. सुनसरी २६ बराहाक्षेत्र १ बस्ने बर्ष १० को अर्पन राई

jackson ribon