fbpx

धेरै सफाईले बच्चालाई क्यान्सर हुन सक्छ !

काठमाडौं ।

हामी हाम्रा नानीबाबुहरु विरामी नहुन भनेर के के सम्म गर्छौँ । टेक्नोलोजि र जनचेतनाको बढ्दै गएको यो युगमा आफ्ना छोराछोरीको स्वास्थ्य र सुरक्षाकालागि अनेक उपायहरु अपनाइरहेका हुन्छौँ ।

बालबालिकालाई किटाणु, जीवाणु र विषाणुबाट बचाउन सरसफाइमा ध्यान नदिने त कुरै भएन् । तर नयाँ एक अध्ययनले भने बाल अबस्थामा किटाणुबाट बचाउदै इन्फेक्सनबाट धेरै मात्रामा बचाए पछि ल्युकेमिया भन्ने रोग लाग्ने खतरा बढी भन्ने तथ्य अघि सारेको छ । ल्युकेमिया हुने अबस्थाको पछाडी भने बच्चालाई यदी इन्फेक्सन भइराख्यो भने इम्युन सिष्टम अर्थात प्रतिरोधी क्षमता दह्रो हुन्छ ।

तर यसरी इन्फेक्सन नै नभई कोही हुर्किएमा उसमा त्यो क्षमता हुदैन र रोगी हुने सम्भावना बढी रहन्छ । नेचर रिव्युज क्यान्सर नामको जर्नलमा छापिएको अध्ययनको लेखमा अक्युट लिम्फोब्लाष्टिक ल्युकेमिया जुन बच्चामा हुने क्यान्सर रोगकोलागि दुई पक्ष जिम्मेबार रहेका छन् ।

जसमा जन्मजात नै जेनेटिकको कारण र पछि भने बच्चालाई इन्फेक्सन नहुदाँ (धेरै सुरक्षित र धेरै सफाइको कारण) इम्युनिटी विकास नहुदाँ यो रोग लाग्न सक्छ ।

सजिलो गरि अध्ययनको निष्कर्ष भनेको यदी जेनेटिक कारणले यो रोग सरेको हैन् भने बाल अबस्थामा धेरै सरसफाइमा ध्यान दिने र किटाणुबाट बचाउने गर्दा उनिहरुमा लिम्फोब्लाष्टिक ल्युकेमिया हुने सम्भावना बढी हुन्छ ।

यो यस्तो क्यान्सर हो जुन जन्मअबस्थादेखि ४ वर्षसम्मका बच्चाहरुलाई लाग्ने गर्छ । यो रोग अहिले विकसित मुलुकहरुमा धेरै मात्रा देखिन थालेको छ । र यसको मुख्य जिम्मेबार भने सरसफाइ नै रहेको अध्ययनको निष्कर्ष छ ।

प्रतिक्रिया

Loading...