birat ribon

मेस्सीसँग झगडा गरेका मेडेलले भने– ‘हामीले रातो कार्ड खानु उचित थिएन’

Neuro
मेस्सीसँग झगडा गरेका मेडेलले भने– ‘हामीले रातो कार्ड खानु उचित थिएन’

एजेन्सी,
ब्राजिलमा जारी ४६औं संस्करणको कोपा अमेरिका कपमा अर्जेन्टिनी कप्तान लियोनल मेस्सीले पाएको रातो कार्डको विषयमा विवाद उठिरहेको छ । गए राति भएको चिलीविरुद्धको खेलमा मेस्सीले रातो कार्ड पाएपछि यसबारे खेलाडी तथा प्रशिक्षकले खुलेर आफ्नो अभिव्यक्ति दिइरहेका छन् ।

cura insider

यस्तैमा मेस्सीसँग गए रातिको खेलमा झगडा गरेका चिलीका कप्तान गारी मेडेलले पनि मेस्सीसँग सहमत रहेको भन्दै आफ्नो भनाइ सार्वजनिक गरेका छन् । उनले भनेका छन्, ‘म मेस्सीसँग सहमत छु, यहाँसम्म कि हामीलाई त पहेँलो कार्डसम्म पनि रेफ्री देलान भन्ने लागेको थिएन । केही झोपडझापड मात्र भएको थियो ।’

३१ वर्षीय मेडेलले भनेका छन्, ‘हामीले रातो कार्ड खानु उचित थिएन । तर, रेफ्रीले हाम्रो झगडालाई ठूलो बनाए र रातो कार्ड दिए ।’

खेलको ३७औं मिनेटमा चिलीका कप्तान गारी मेडेल र मेस्सीबीच झगडा भएको थियो । जसका कारण रेफ्रीले दुवै कप्तानलाई रातो कार्ड देखाउँदै मैदान बाहिर पठाएका थिए । क्लब करिअरमा बार्सिलोनाका लागि कहिल्यै रातो कार्ड नखाएका मेस्सीले १४ वर्षपछि रातो कार्ड खाए । उनले सन् २००५ मा पहिलोपल्ट रातो कार्ड खाएका थिए ।

अन्तर्राष्ट्रिय डेब्यूमा रातो कार्ड खान पुगेका मेस्सीले १४ वर्षपछि पुनः राष्ट्रकै लागि दोस्रो कार्ड खाए । सो खेल मेस्सीको टोली अर्जेन्टिनाले २–१ गोलले जितेको थियो ।

jackson ribon