birat ribon

जनताले कम्युनिष्ट सरकारको विकल्प खोजिसके : वरिष्ठ नेता पौडेल

Neuro
जनताले कम्युनिष्ट सरकारको विकल्प खोजिसके : वरिष्ठ नेता पौडेल

चितवन,
नेपाली कांग्रेसका वरिष्ठ नेता रामचन्द्र पौडेलले जनताले कम्युनिष्ट सरकारको विकल्प खोजिसके दाबी गरेका छन् । नेपाल प्रेस युनियन चितवनले शुक्रबार चितवनमा आयोजना गरेको पत्रकार सम्मेलनमा उनले सरकारप्रति आक्रोश पोख्दै अहिलेको नेतृत्वको जनताले विकल्प खोजेको बताएका हुन् ।

cura insider

उनले भने, ‘जनताले कम्युनिष्टको विकल्प खोजिसके, त्यो विकल्प कम्युनिष्टबाट हुन सक्दैन अब कांग्रेस तयार हुनुपर्छ ।’ जनताको अगाडि भरोसाका रुपमा काङ्ग्रेसलाई अगाडि बढाउनुपर्ने भन्दै उनले गणितले केही पनि गर्दैन भने । पौडेलले भने, ‘नेपाली कांग्रेसको जनाधार र भूमिका महत्वपूर्ण भएकाले अङ्क गणितले असर पार्दैन ।’

सरकारले आफ्ना पक्षधरलाई मात्र पक्षपोषण गरेर विपक्षीलाई बेवास्था गरेको आरोप लगाउँदै उनले कांग्रेसलाई एकजुट बनाउन सक्ने नेतृत्व खोज्नुपर्ने बताए । उनले त्यस्तो सहमति भएमा आफूले नेतृत्वको दाबी नगर्ने पनि बताए ।’

पार्टीभत्र सुधार र परिवर्तन आवश्यक रहेको बताउँदै उनले समयमा नै महाधिवेशन गर्नु पर्नेमा जोड दिए । पौडेलले भने, ‘म नहुँदा पनि एकता हुन सक्छ । जसमा एकता हुन्छ छलफलबाट त्यसैलाई नेतृत्व दिनुपर्छ ।’

पार्टीमा सुधार र परिवर्तनको आवश्यकता रहेको भन्दै पौडेलले त्यसका पक्षधरसँग छलफल भइरहेको जानकारी दिए । पार्टीले प्रतिपक्षको सशक्त भूमिका निर्वाह गर्नुपर्ने भन्दै उनले यस विषयमा पार्टीभित्र छलफल भइरहेको बताए । कांग्रेसलाई बलियो बनाउन तलैबाट सङ्गठन मजबुत बनाएर लैजानुपर्ने पौडेलको भनाइ थियो ।

jackson ribon