तमिल फिल्ममा १५ मिनेट भिलेनको भूमिका गर्दै शाहरुख खान

विराटनगर,
बलिउडका किङ्ग खान अभिनेता शाहरुख खान आफ्नो पछिल्लो फिल्म ’जिरो’ को असफलता पछि कुनै नयाँ फिल्ममा काम गर्ने सोच बनाएका छैनन् ।उनलाई चलचित्रको प्रस्तावहरु नआएको पनि होइन । केहि समय देखि शाहरुखले फिल्महरु गर्ने भनेर विभिन्न खबरहरु चर्चामा आइरहेका छन् । भारतीय मिडियाहरु अनुसार यशराजको नयाँ प्रोजेक्ट ’धुम ४’मा शाहरुखले भिलेनको भूमिका निर्वाह गर्ने बताइएको थियो ।

अब भने शाहरुख भिलेनको भूमिका निर्वाह गर्ने भएका छन् । तर,उनले ’धुम ४’ मा नभई तमिल फिल्ममा डेब्यु गर्दै भिलेनको भूमिका निर्वाह गर्ने भएका छन् । विभिन्न भारतीय मिडिया अनुसार फिल्मको औपचारिक घोषणा नभए पनि शाहरुखले तमिल फिल्म ’बिगिल’मा चाडै नै डेब्यु गर्ने भएका छन् । तमिलका चर्चित अभिनेता विजयको मुख्य भूमिका रहने फिल्ममा अभिनेता शाहरुखको १५ मिनेटको भूमिका रहने भएको छ ।

फिल्ममा विजयले दोहोरो भूमिका निर्वाह गर्ने भएका छन् । एजीस इन्टरटेनमेन्टको ब्यानरमा निर्माण हुने भएको यस फिल्मलाई एटलेले निर्देशन गर्ने भएका छन् । फिल्मको गीतहरुमा ए आर रहमानको संगीत रहने छ । फिल्मले दिवालीको अवसर परेर यहि वर्षको अक्टुवरमा रिलिज हुने तय गरिएको छ । यदि शाहरुखले यस फिल्ममा भिलेनको रुपमा आफूलाई प्रस्तुत गर्ने छन् भने उनको बलियो कम्ब्याक रहने दर्शकहरुको अपेक्षा रहेको छ ।