birat ribon

सेमिफाइनलमा ब्राजिलसँग हारेपछि मेस्सीले भने, ‘ब्राजिलभन्दा हामीले उत्कृष्ट खेलेका थियौं’

Neuro
सेमिफाइनलमा ब्राजिलसँग हारेपछि मेस्सीले भने, ‘ब्राजिलभन्दा हामीले उत्कृष्ट खेलेका थियौं’

एजेन्सी,
ब्राजिलमा जारी ४६औं संस्करणको कोपा अमेरिका कपमा उपाधि दाबेदार मानिएको टोली अर्जेन्टिनाले हार ब्यहोरेको छ । बुधबार बिहान भएको खेलमा अर्जेन्टिना आयोजक राष्ट्र ब्राजिलसँग २–० गोल अन्तरले पराजित भएको हो ।

cura insider

यस हारपछि अर्जेन्टिनाका कप्तान तथा स्टार खेलाडी लियोनल मेस्सी भिडियो असिस्टेन्ट रेफ्री (भीएआर) विरुद्ध खनिएका छन् । यसअघि ब्राजिलको मैदान लाजमर्दो भएको आरोप लगाउँदै आएका मेस्सीले कोपाका रेफ्री रोड्डी जाम्ब्रानोविरुद्ध रिस पोखेका हुन् ।

खेलपछि अन्तर्वाता दिँदै मेस्सीले भनेका छन्, ‘ब्राजिल हामीभन्दा राम्रो थिएन । पहिलो गोल उनीहरूले सहजै गरे । तर, दोस्रो गोल गर्नका लागि उनीहरूले पेनाल्टी पाउनुपथ्र्यो । जहाँ, सर्जियो अगुएरोले फाउल गरेका थिए । तर, रेफ्रीले त्यसो गरेनन् ।’

खेलको ७१औं मिनेटमा रोबर्टो फिर्मिन्होले दोस्रो गोल गरेका थिए । ब्राजिलका ग्राबियल जेससले गोल अगाडि बढाउँदै गर्दा अगुएरोले जेससलाई धक्का दिएका थिए । तर, जेससले बल नियन्त्रण गर्दै फिर्मिन्होलाई पास दिए । र, फिर्मिन्होले त्यसलाई दोस्रो गोलमा परिणत गरे ।

‘तर, रेफ्रीले त्यहाँ भीएआरको सहयोग लिनुपथ्र्यो,’ मेस्सीले भनेका छन्, ‘रेफ्रीले त्यहाँ गल्ती गरे । उनीहरूले त्यहँ भीएआर चेक गरेनन्, त्यो अविश्वसनीय भो । उनीहरूले खेल अबधिभरि ब्राजिलकै पक्षमा फैसला गरे । उनीहरूले हामीलाई विचलित गरिदिए ।’

‘रेफ्रीले हाम्रो पक्षमा फैसला गरेनन्,’ मेस्सीले थपे, ‘हामी त्यसको पुनःपरीक्षण पक्षमा थियौं । तर, कोपाले यसबारे विश्लेषण नै गरेन । मेरो विचारमा हामीले उत्कृष्ट खेलेका थियौं । हामी त्यहाँ शानदार प्रदर्शन गरेका थियौँ । तर, उनीहरूले हामीभन्दा राम्रो खेलेनन् ।’

jackson ribon