birat ribon

सुन मुद्दामा भीआइपी छाड्ने आदेश दिने न्यायाधीश सिंह बर्खास्त

Neuro
सुन मुद्दामा भीआइपी छाड्ने आदेश दिने न्यायाधीश सिंह बर्खास्त

विराटनगर,
मोरङ उर्लाबारीका समन शाक्य हत्या प्रकरणको अनुसन्धानका क्रममा खुलेको करिब ३८ क्वीन्टल सुन तस्करी प्रकरणमा मुछिएका उच्च पदस्थलाई धरौटीमा छाड्ने आदेश दिने न्यायाधीश उमेशकुमार सिंह बखास्तीमा परेका छन् । न्याय परिषद्को सोमबार बसेको बैठकले उनलाई बर्खास्त गर्न सिफारिस गरेको हो ।

cura insider

uchha adalat brt

बर्खास्तीमा परेका सिंहसहितको संयुक्त इजलासले विभिन्न मितिमा सञ्जय खेतान भनिने प्रभात अग्रवाल, मदन शिलवाल, डीएसपी प्रजित केसी, गोरेका सहयोगी रामकुमार तिवारी, व्यपारी राजकुमार दारुका र माधव भनिने मदनप्रसाद घिमिरेलाई धरौटीमा छाड्ने विवादास्पद आदेश दिएको थियो ।

सुन मुद्दाको आदेश विवादित बनेपछि गत माघमा तत्कालीन मुख्यन्यायाधीश डाक्टर कुलरत्न भुर्तेलसहित न्यायाधीश नागेन्द्रलाभ कर्ण, सारङ्गा सुवेदी, थीरबहादुर कार्की, उमेशकुमार सिंह र उमेशराज पौडेल न्याय परिषद् तानिएका थिए ।

न्याय परिषदले सोमबार सिंहलाई पदमुक्त गर्न सिफारिस गरेको न्याय परिषदका उपसचिव टेकनाथ गौतमले जानकारी दिए । उनका अनुसार न्यायाधीश थीरबहादुर कार्की र साधुराम सापकोटालाई सचेत गराउने निर्णय गरेको छ ।

असार ४ गतेको परिषद बैठकले कारबाही प्रक्रिया अघि बढाउन तीन न्यायाधीशलाई थप स्पष्टिकरण सोधेको थियो । स्पष्टिकरण हेरेपछि परिषदले प्राप्त प्रमाणका आधारमा सिंहलाई सेवाबाट हटाउने निर्णय गरेको हो ।

परिषदले सुन प्रकरणको आदेशमा जोडिएका न्यायाधीशमध्ये तत्कालीन मुख्य न्यायाधीश कलुरत्न भुर्तेल र न्यायाधीशहरु साराङ्गा सुवेदी र जनक पाण्डेलाई सामान्य ध्यानआकर्षण गराएर छाडेको थियो ।

jackson ribon