birat ribon

पेनाल्टीमा गोल गर्न चुकेका स्वारेजलाई नेयमारले यसो भने

Neuro
पेनाल्टीमा गोल गर्न चुकेका स्वारेजलाई नेयमारले यसो भने

एजेन्सी,
ब्राजिलमा जारी ४६औं संस्करणको कोपा अमेरिका कपबाट सर्वाधिक १४ पटकको विजेता टोली उरुग्वेले बिदा लियो । गए राति भएको चौथो क्वार्टरफाइनलको खेलमा पेरुले उरुग्वेलाई पेनाल्टी सुटआउटमा स्तब्ध बनायो ।

cura insider

पेनाल्टीमा हार्नुको मुख्य कारण बने, स्टार खेलाडी लुइस स्वारेज । उनी पेनाल्टीमा गोल गर्न चुकेपछि उरुग्वेले सेमिफाइनल पुग्ने सपना, सपनामै सीमित हुन पुग्यो । निर्धारित समय गोलरहित बराबरीमा सकिएपछि खेलमा पेनाल्टीको निर्णय गरिएको थियो । तर, उरुग्वेका लागि पहिलो पेनाल्टी प्रहार गरेका स्वारेज बिफल भए । उनी पेनाल्टीमा चुके ।

आफ्नो टोली हार्नुमा प्रमुख कारण नै आफू बनेपछि बार्सिलोनाका स्टार खेलाडी स्वारेज मैदानमै रोए । उनी भावुक हुँदै मैदानमै घोप्टो परी–परी रोए । यस खेलपछि ब्राजिलका स्टार खेलाडी नेयमारले स्वारेजलाई समर्थन गरेका छन् । उनले स्वारेज महान खेलाडी भएको बताएका छन् ।

स्वारेजका पूर्वसहकर्मीसमेत रहेका नेयमारले आफ्नो इन्स्टाग्राममा लेखेका छन्, ‘उठ, तिमी एक महान् खेलाडी हौ । आइ लभ यु साथी’ ।

jackson ribon