fbpx

अष्ट्रेलिया जाने तयारीमा रहेकी प्रेमिकाकाे हत्या गर्ने दिनेशलाई जन्मकैद

विराटनगर ।

अष्टेलिया जाने तयारीमा रहेकी प्रेमिकाको हत्या गर्ने विराटनगर १० का ३० बर्षीय दिनेश भट्टराईलाई अदालतले जन्मकैद फैसला सुनाएको छ । जिल्ला अदालत मोरङका न्यायधिस नारायणप्रसाद शर्माको एकल इजलासले भट्टराईलाई जन्मकैदको फैसला सुनाएको हो ।

दिनेशले २०७५ साल भदौ १ गते प्रमिका २३ वर्षिय शिखा घिमिरेको हत्या गरेका थिए । भदौ १ गतेबाट लागु अपराध संहिताको व्यवस्था अनुसार भट्टराईलाई जन्मकैद फैसला भएको अदालतका सूचना अधिकारी युवराज पौडेलले जानकारी दिए ।

अदालतले पीडित परिवारलाई १ लाख क्षतिपूर्ती भराउन पनि फैसला गरेको छ । दिनेशले २०७५ भदौ १ गते ग्रामथान गाउँपालिका ३ स्थित नरहको बाटोमा धारिलो हतियार प्रहार गरी शिखोको हत्या गरेका थिए । शिला अष्टेलिया जाने तयारीमा थिइन् ।

पारिवारिक सल्लाह मै उनीहरुले कानुनी रुपमा(पेपरम्यारिज) विवाह गरेका थिए । विराटनगरबाट स्कुटरमा सँगै बेलवारीकालागि निस्कीएका दिनेशले ग्रामथानमा शिखाको धारिलो हतियार प्रहार गरी हत्या गरेका थिए । खुकुरी प्रहार गरेको देखेपछि गाउँलेहरुले दिनेशलाई नियन्त्रणमा लिएर प्रहरीलाई जिम्मा लगाएको थिए । जिल्ला अदालतले गत भदौ २७ गते पुर्पक्षमा राख्न आदेश दिएको थियो ।

कस्तो थियो घटना ?

शिखा र दिनेशनै डिपेन्डेन भिषामा अष्ट्रेलिया जाने तयारीमा थिए । तर, दिनेश डिप्रेसनको बिरामी भएर नियमित औषधी प्रयोग गर्थे ।

अष्ट्रेलियाको भिषा नआएसम्म शिखाले काठमाडौंमा बसेर एक महिना ब्युटिपार्लरको तालिम लिने पारिवारिक सल्लाह भएअनुसार भदौ २ गते काठमाडौं जाने तयारीमा जुटेकी थिइन् । त्यसको लागि दिनेशले साउन ३१ गते शिखाको काठमाडौं जाने टिकट काटिदिएका थिए ।

डिप्रेशनको सिकार उनले काठमाडांै जानु अघि बेलवारी जाने क्रममा योजनावद्ध रुपमा हत्या गरे । उनले ग्रामथान—३, सिद्राहा टोलभन्दा सय मिटर उत्तर सुनसरी– मोरङ सिँचाइ आयोजनाको नहरको डिलमा पु¥याएर शिखाको हत्या गरेको खुलेको थियो ।

प्रतिक्रिया

Loading...