fbpx

राष्ट्रपतिद्वारा राहदानी विधेयक फिर्ता

काठमाण्डौं ।

प्रतिनिधि सभाबाट पारित भएर प्रमाणिकरणकालगि पुगेको राहदानी विधेयक राष्ट्रपति विद्यादेवी भण्डारीले पुनर्विचारका लागि संघीय संसदमै फिर्ता पठाएकी छिन् ।

प्रमाणिकरणकलागि पुगेको विधेयक राष्ट्रपतिले फर्काएको यो पहिलो पटक हो । यसअघि संवैधानिक राजतन्त्रात्मक व्यवस्थामा तत्कालीन राजा वीरेन्द्र शाहले नागरिकता विधेयक फिर्ता पठाएका थिए ।

संविधानको धारा ११३ (२) अनुसार विधेयकलाई पुनर्विचारका लागि फिर्ता पठाइएको राष्ट्रपति कार्यालयले जारी गरेको विज्ञप्तीमा उल्लेख छ ।
संविधानको धारा ११३ (२) मा विधेयक पुनर्विचार हुन आवश्यक छ भन्ने राष्ट्रपतिलाई लागेमा पेश भएकोे १५ दिनभित्र सदनमा फिर्ता पठाउन सक्ने प्रावधान अनुसार फिर्ता पठाइएको राष्ट्रपति कार्यालयले जनाएको छ । राष्ट्रपतिले फिर्ता गरेको विधेयकमाथि अब दुवै सदनले पुनर्विचार गर्नुपर्ने हुन्छ ।

दुवै सदनले पारित गरेपछि फेरी राष्ट्रपतिसमक्ष विधेयक पठाउनुपर्ने र दोस्रोपटक पठाइएको विधेयकमा राष्ट्रपतिले प्रमाणीकरण गर्नुपर्ने हुन्छ ।

राहदानी विधेयक प्रतिनिधिसभाले १० असोज पारित गरेको थियो भने भोलिपल्टै राष्ट्रिय सभामा टेबल भएपनि राष्ट्रिय सभाको प्रक्रियामै रहेको विधेयक दुई महिनाभित्र फिर्ता नआएको भन्दै सभामुख कृष्णबहादुर महराले वैशाख २५ गते प्रमाणीकरणका लागि राष्ट्रपति कार्यालयमा पठाएका थिए ।

प्रतिक्रिया

Loading...