Rumpum Advertisement

‘द भ्वाइस अफ नेपाल सिजन २’ मा दुई कोच फेरिँदै

Neuro Revised Adv
Koshi Dashain ad
‘द भ्वाइस अफ नेपाल सिजन २’ मा दुई कोच फेरिँदै

अत्यधिक चर्चा कमाउन सफल भएको सिङगिङ रियालिटी शो ‘द भ्याइस अफ नेपाल’को दोस्रो सिजन असारबाट प्रशारण हुने भएको छ । ‘द भ्याइस अफ नेपाल’ सिजन–२ यहि असारको दोस्रो हप्ताबाट प्रशारणमा आउने पक्का भएको छ ।

पहिलो सिजनमा दीप श्रेष्ठ, अभया सुब्बा, सनुप पौडेल र प्रमोद खरेल कोच रहेका थिए । यो वर्ष यी मध्ये दुई जना मात्रै दोहोरिने भएका छन् । यी चार कोच मध्ये दीप श्रेष्ठ र प्रमोद खरेल दोहोरिन सक्ने स्रोतको भनाइ रहेको छ ।

अभया सुब्बा गत वर्षको ग्राण्ड फिनालेमा सहभागी नभएका कारणले उनी सिजन–२ का लागि नदोहोरिने बताईएको छ । तर, सनुप दोहोरिने वा नदोहोरिने कुराको फाइनल चाही भइसकेको छैन । र नयाँ कोचहरु को रहने बारे नि खुलासा गरेको छैन ।

यस दोस्रो सिजनको डिजिटल अडिशन सम्पन्न भइसकेको र उक्त अडिसनबाट ११० जना प्रतिस्पर्धी छनोट गरिएको निर्देशक लक्ष्मण पौडेलले बताएका छन् । डिजिटल अडिशनमा दुई हजार २ सय प्रतिस्पर्धी सहभागी भएका थिए । पहिलो सिजनमा भने १२ हजार प्रतिस्पर्धी सहभागी भएका थिए ।

ब्लाइन्ड अडिशनको सुटिङ अर्को हप्ताबाट धुम्बाराहीमा रहेको स्टुडियोमा हुने भएको छ । पहिलो सिजनमा खासै यो कार्यक्रम राम्रो नभएको भन्ने विभिन्न गुनासो आएकाले यसपटक नयाँ फर्म्याटमा कार्यक्रम संचालन हुने भएको छ । स्टुडियो निर्माणका लागि दुई करोड रुपैयाँ लागेको छ ।