fbpx

मन्त्री लालबाबु पण्डित भन्छन्, ‘सरकारले खटाएको ठाउँमा कर्मचारी जानैपर्छ’

कावासोती,

सङ्घीय मामिला तथा सामान्य प्रशासनमन्त्री लालबाबु पण्डितले संविधानलाई कार्यान्वयन गर्न कर्मचारी समायोजन गरिएकाले कोही पनि कर्मचारीले खटाएको ठाउँमा जान्न भन्न नपाउने बताएका छन् ।

नवलपुरको देवचुली नगरपालिकामा रहेको प्रगतिनगर खानेपानी तथा सरसफाइ उपभोक्ता संस्थामा नेपाल सरकारको तराई–मधेश समृद्धि कार्यक्रमअन्तर्गत निर्माणाधीन ओभरहेड ट्याङ्की तथा डिप बोरिङको शिलान्यास कार्यक्रममा उनले यस्तो बताएका हुन् ।

उनले भने, ‘प्रदेश, स्थानीय तहमा जान्न, काठमाडौँ छोड्दिन भन्न कसैलाई छुट छैन ।’ मन्त्री पण्डितले कर्मचारी अपुग भएका कार्यालयमा अर्को व्यवस्था नहँुदासम्म करारमा भर्ना गरेर भए पनि सबै कार्यालयमा कर्मचारी पदपूर्ति गरिने बताए ।

Koshi Online

FREE
VIEW