birat ribon

बेरोगार फारम खुल्यो, प्रत्येक वडा कार्यालयमा भर्न पाइने

Neuro
बेरोगार फारम खुल्यो, प्रत्येक वडा कार्यालयमा भर्न पाइने


विराटनगर, चैत्र २ ।

Padelux insider
cura insider

बेरोजगारहरू यूवालाई लक्षित गरि सरकारले घोषणा गरेको महत्वकाक्षी योजना अर्थात रोजगारी उपलब्ध गराउने भन्दै घोषणा गरिएको प्रधानमन्त्री रोजगार कार्यक्रम अन्तर्गत शुक्रवारबाट सबै स्थानीय तहमा बेरोजगारहरूको निवेदन लिने काम सुरु गरिएको छ ।

रोजगारी खोज्दै हुनुुहुन्छ वा बेरोजगार भत्ता नै लिने सोचमा हुनुहुन्छ भने फारम भर्न ढिलो नगर्नु होला । अब वडा कार्यालयमा गएर फारम भर्न सकिने र योग्यता पुगेका बेरोजगारलाई त्यही सूचीका आधारमा रोजगारीको अवसर दिइने बताइएको छ ।

बेरोजगार व्यक्तिलाई न्यूनतम एक सय दिनसम्मको रोजगारी दिने र वर्षभरि परिवारको कुनै पनि सदस्यले सय दिनको काम नपाए अवधिमा पाउने पारिश्रमिकको ५० प्रतिशत बराबर निर्वाह भत्ता दिने प्रावधान प्रधानमन्त्री रोजगार कार्यक्रममा गरिएको छ । छानिएका बेरोजगारहरुले बेरोजगार भत्ता बापत भने वर्षमा २५ हजार ८ सय ५० रुपैयाँ पाउने छन् ।

जसले वर्षदिनमा एक दिन पनि काम नगरेको पुष्टि भए त्यती रकम पाउने र जति दिन काम गरेको पुष्टि हुन्छ त्यो रकम बराबर भत्ता काटिने छ । प्रधानमन्त्री रोजगार कार्यक्रमका राष्ट्रिय कार्यक्रम निर्देशक प्रकाश दाहालले त्यसमाथि अन्य शर्तहरू पनि लागु हुने बताए । सोही अनुसार रोजगारीको अवसरभन्दा बाहिर रहेकाहरूको सूची तयार पार्न लागेको सरकारले त्यसका लागि शुक्रवारदेखि आवेदन लिने काम सुरु गरेको हो । ।

तपाई बेरोजगार हुुनुहुन्छ भने आफूसँग भएको सीप, योग्यता वा क्षमता उल्लेख गरी निवेदन दिनुहोस र तपाईलाई रोजगारी दिने काम सरकारले गर्छ । नभए भत्ता त छदै छ । यस्तो निवेदनहरू वडा तहबाट रोजगार संयोजकहरूले सङ्कलन गर्ने अनि स्थानीय तहको कार्यपालिकाले पारित गरेपछि केन्द्रीय प्रणालीमा सूचीकृत हुने बताइएको छ ।

अधिकाँस यूवा तथा महिला कृषिमा लागेका हुनाले अर्धबेरोजगारको सङ्ख्या धेरै रहेको छ । सूचीका आधारमा रोजगारीको व्यवस्था गरिने निर्देशक दाहालले बताए।
यस कार्यक्रममार्फत् पाँच वर्षमा वैदेशिक रोजगारीमा जानुपर्ने अवस्थाको अन्त्य गर्ने भन्ने लक्ष्य सरकारले राखेको छ । श्रमविज्ञ गणेश गुरुङले यही कार्यक्रमको कारण बैदेशिक रोजगारीमा जाने क्रम घट्ने जस्तो नलाग्ने बताउछन् ।

सूचीकृत भएका बेरोजगारहरूलाई तीनवटै तहका सरकारका सार्वजनिक निर्माण र अन्य आयोजनामा अनिवार्य रूपमा काम दिनुपर्ने र निजी, सहकारी र सामुदायिक क्षेत्रले पनि त्यस्तो सूचीबाट कामदार लिन सक्ने व्यवस्था रहेको अधिकारीहरूको भनाइ छ । नेपालको पछिल्लो आर्थिक सर्वेक्षणबमोजिम प्रत्येक वर्ष झन्डै पाँच लाख युवा कामको खोजीमा बजार प्रवेश गर्छन् ।

तीमध्ये दैनिक सरदर एक हजार युवा कामका लागि विदेश जाने गर्छन् । सर्वेक्षणका अनुसार देशमा पूर्ण बेरोजगारीको दर २.३ प्रतिशत मात्र छ । तर अर्धबेरोजगारीको दर भने ३० प्रतिशत छ ।

विविसी नेपालीको सहयोगमा

jackson ribon