birat ribon

च्याम्पियन्स लिगमा नेइमारको रेकर्ड, रोनाल्डोसँग गरे बराबरी

Neuro
च्याम्पियन्स लिगमा नेइमारको रेकर्ड, रोनाल्डोसँग गरे बराबरी


विराटनगर, असोज १९
फ्रेन्च क्लब पिएसजीका ब्राजिलियन स्टार खेलाडी नेइमारले च्याम्यिन्स लिगमा रेकर्ड बनाएका छन् । २ दिनअघि उनले समूह चरणको दोस्रो खेलमा बेलग्रेडलाई ६–१ ले हराउँदा सनसनीपूर्ण ह्याट्रिक गरेका थिए । उनले सो खेलमा २ गोल फ्रि किकबाट गरेका थिए ।

यससँगै नेइमार च्याम्पियन्स लिगमा एकै खेलमा २ फ्रि किकबाट गोल गर्ने दोस्रो खेलाडी बनेका छन् । यसअघि सन् २००९ मा क्रिस्टियानो रोनाल्डोले पनि एकै खेलमा २ गोल फ्रि किकबाट गरेका थिए ।

cura insider

बेलग्रेडविरुद्ध नेइमारले २ गोल पहिलो हाफ र १ गोल दोस्रो हाफमा गरेका थिए । त्यसमा उनले २ गोल फ्रि किकबाट गरेका थिए ।

यसै खेलबाट नेइमारले लिजेन्ड काकाको सर्वाधिक गोलकर्ताको रेकर्डसँग पनि बराबरी गरेका छन् । अब च्याम्पियन्स लिगमा ब्राजिलबाट काका र र नेइमारको नाममा सर्वाधिक धेरै समान ३०–३० गोल पुगेको छ ।

नेइमारले च्याम्पियन्स लिगका ४९ खेलमा ४९ गोलमा आफूले भूमिका खेलेका छन् ।

jackson ribon