birat ribon

१३ दिनपछि स्वेदश फर्किए प्रधानमन्त्री ओली

Neuro
१३ दिनपछि स्वेदश फर्किए प्रधानमन्त्री ओली

cura insider

काठमाडौं, असोज १८
१३ दिने विदेश भ्रमणमा रहेका प्रधानमन्त्री केपी शर्मा ओली आज स्वदेश फिर्ता भएका छन् । संयुक्त राष्ट्र संघको ७३औं महासभालाई सम्बोधन गर्न न्युयोर्क गएका उनी आज स्वदेश फिर्ता भएका हुन् ।

गत असोज ६ गते न्युयोर्क उडेका ओली आज दिउँसो काठमाडौं ओर्लिए । ओलीको स्वागतमा रक्षामन्त्री ईश्वर पोखरेल, प्रतिनिधिसभाका सभामुख कृष्णबहादुर महरा, गृहमन्त्री रामबहादुर थापालगायत अन्तर्राष्ट्रिय विमानस्थल पुगेका थिए ।

न्युयोर्कमा छँदा ओलीले राष्ट्र संघको महासभालाई सम्बोधन गरेका थिए । त्यसबाहेक उनी विभिन्न कूटनीतिक र गैरराजनीतिक कार्यक्रममा पनि सरिक भएका थिए ।

महासभालाई सम्बोधन गरेपछि प्रम ओलीले कोस्टारिकाको भ्रमणसमेत गरेका थिए । त्यहाँ उनलाई शान्ति विश्वविद्यालयले विशेष सम्मान मानार्थ विद्यावारिधि उपाधि दिएर सम्मानसमेत गरेको थियो । ओली आज दोहा हुँदै स्वेश फर्किएका हुन् ।

jackson ribon