birat ribon

एभरेस्ट प्रिमियर लिगको तेस्रो संस्करण मंसिर चौथो सातादेखि हुने

Neuro
एभरेस्ट प्रिमियर लिगको तेस्रो संस्करण मंसिर चौथो सातादेखि हुने

cura insider

काठमाडौं, असोज १८
एभरेस्ट प्रिमियर लिग (इपिएल) को तेस्रो संस्करण आगामी मंसिरबाट हुने भएको छ । आज काठमाडौंमा प्रतियोगिताको आयोजक एभरेस्ट प्रिमियर लिगले पत्रकार सम्मेलन गरी प्रतियोगिता आयोजनाबारे जानकारी दिएको हो ।

घोषित मितिअनुसार १५ दिनसम्म चल्ने प्रतियोगिता आगामी मंसिर २२ देखि पुस ७ गतेसम्म हुनेछ । पत्रकार सम्मेलनमा बोल्दै इपिएलका प्रबन्ध निर्देशक आमिर अख्तरले तेस्रो संस्करणलाई आयोजकले विशेष बनाउन लागेको पनि बताए । त्यसका लागि आयोजकले भौतिक व्यवस्थापनदेखि लिएर अन्य कुरामा पनि तयारी थालेको बताए ।

‘तेस्रो संस्करणलाई व्यवस्थित र भव्य बनाउन हामीले विदेशी खेलाडीदेखि उत्कृष्ट विदेशी प्रशिक्षकसमेत ल्याउने तयारी गरेका छौं,’ निर्देशक अख्तरले भने ।

प्रतियोगिता अवधिभर दैनिक एक खेल हुने आयोजकले जनाएको छ । यस संस्करणमा विराटनगर वारियर्स, चितवन टाइगर्स, ललितपुर प्याट्रियट्स, पोखरा राईनोज, भैरहवा ग्लाडियटर्स र काठमाडौं किङ्स–११ ले प्रतिस्पर्धा गर्नेछन् ।

यसअघिको संस्करणको उपाधि राष्ट्रिय टोलीका कप्तान पारस खड्काले कप्तानी गरेको विराटनगर वारियर्सले जितेको थियो ।

jackson ribon