‘सञ्जु’को कमाई कीर्तिमानी, ११ दिनसम्मको यति छ कलेक्सन

0

कोशी अनलाइन
असार २७, मोरङ, रणवीर कपुर अभिनीत सञ्जय दत्तको बायोपिक फिल्म ‘सञ्जु’को कमाई उत्कृट रहेको भारतीय सञ्चारमाध्यमले जनाएका छन् । रिलिज भएको ११ दिन भइसक्दा भारतका साथै विश्वभरी फिल्मको व्यापार जारी छ ।

११ दिनमा भारतीय बक्स अफिसमा मात्रै ‘सञ्जु’ले दुई सय ७१ करोड भारु कमाइसकेको छ । दर्शकका साथै समीक्षकबाट राम्रो प्रतिक्रिया पाएको ‘सञ्जु’ले रिलिजको दिन ३४ करोड ७५ लाख बटुल्दै २०१८ मा आएका बलिउड फिल्महरुमध्ये ओपनिङमा सबैभन्दा ठूलो कलेक्सन गर्ने कीर्तिमान बनाएको थियो ।

फिल्मले भारतमा मात्रै पहिलो सातामै दुई सय करोड रुपैयाँ व्यापार र्गयो, जबकि दोस्रो सप्ताहन्तमा ६१ करोड ७५ लाख बटुल्यो। अहिलेको व्यापार हेर्दा ’सञ्जु’ले दोस्रो साता ९३–९४ करोडको व्यापार गर्ने अनुमान गरिएको छ।

बलिउडका व्यापार विश्लेषकका अनुसार, बक्स अफिसमा अहिलेकै रफ्तार कायम रहे फिल्मले ३ सय करोड सजिलै कमाउनेछ ।
राजकुमार हिरानीको निर्देशनमा बनेको ’सञ्जु’ को बजेट करिब एक सय करोड रहेको बताइन्छ । भारतीय बक्स अफिसका साथै विश्वभरको कमाइ जोड्दा १० दिनमा फिल्मले ४ सय ४५ करोड भारु कमाएको छ ।

फिल्ममा रणवीरका अलावा परेश रावल, मनिषा कोइराला, अनुष्का शर्मा, सोनम कपुर, दिया मिर्जा, विक्की कौसल, वोमन इरानीलगायतको भूमिका छ ।

यो पनि हेर्नुहोला:
Comments
Loading...
Koshi Online

FREE
VIEW