पूर्वमन्त्री यादवले पूरा गरे वाचा, रंगेली खानेपानीमा सोलार जडान

0

रबिन्द्र बराल
कोशी अनलाइन
जेठ २५, मोरङ, २०५२ सालदेखि सञ्चालनमा आएको रंगेली खानेपानी तथा उपभोक्ता समितिद्वारा सुरु भएको संस्थामा २३ वर्षपछि सोलार प्यानल जडान भएको छ ।

खानेपानी तथा ढल निकास विभागको सहयोगमा रंगेली खानेपानीमा सोलार प्लान्ट जडान गरिएको छ । पूर्वमन्त्री महेन्द्र यादवले गत २०७४ साउन २४ गते रंगेली खानेपानी संस्थाको अनुगमन गरेका थिए । सोहीक्रममा उनले संस्थालाई सोलार जडान गरिदिने प्रतिवद्धता जनाएका थिए । १० महिनापछि यादवले आफ्नो वाचा पूरा गरेर उनकै पहलमा सोलार जडान सुरु गरिएको छ ।

नेपाल सरकारको करिब ७५ लाखको सहयोगमा सोलार प्लान्ट जहान गरिएको खानेपानी संस्थाका सचिव अभिषेक अधिकारीले बातए । सोलार प्लान्ट जडान भएसंगै रंगेली बजारभित्र रहेका ७ सय ९० घर परिवारले सो खानेपानी प्रयोग गरिरहेकोे खानेपानीका प्रमुख शिवराज दाहालले बताए । उनका अनुुसार यसअघि विद्युत आपुर्ति नहुँदा खानेपानीसमेत बन्द हुने अवस्था रहेको थियो । उनले सोलार प्लान्ट जडानपछि सो समस्या नहुुुने बताए ।

सो समितिले दैनिक करिब साढे ४ लाख लिटर पानी खपत गर्दै आएको छ । खानेपानीले १५ हर्ष् पावरको पम्पबाट पानी तान्दै आएकोमा अब सोलार प्लान्टबाट २० हर्ष् पावरको पम्पबाट पानी तान्न सकिने प्रमुख दाहालले बताए ।

खानेपानी संस्थाले विद्युत प्राधिकरणलाई मासिक ६० हजार रुपैयाँसम्म विद्युत महशुल बुझाउँदै आएको थियो । २३ वर्षदेखि हालसम्ममा कुनै पनि पाईपलाई चेन्ज नगर्दा रंगेलीका बासिन्दाहरुले फोहर लेदो पानी पिउन बाध्य हुनु परेको छ । नेपाल सरकारलाई बारम्बार जानकारी गराएता पनि र हालसम्म पनि कुनै साँचोसमेत नदेखिएको र खानेपानी संस्थाको आर्थिक अवस्था कमजोर भएको कारणले अहिलेसम्म पुराना पाइपलाइन फेर्न नसकेको संस्थाका नइम आलमले बताए ।

2. Below Post 3 Banners
3. Below Post 3 Banners
यो पनि हेर्नुहोला:
Comments
Loading...
Koshi Online

FREE
VIEW