birat ribon

८० वर्षमाथिकालाई घरमै स्वास्थ्य परीक्षण

Neuro
८० वर्षमाथिकालाई घरमै स्वास्थ्य परीक्षण


गोपाल पोख्रेल
कोशी अनलाइन
चैत ५, मोरङ, मोरङको पथरीशनिश्चरे नगरपालिकाले आफ्नो नगरका ८० वर्ष उमेर पुगेकाहरुका लागि घरमै गएर स्वास्थ्य परीक्षणको कार्यक्रम पारित गरेको छ । नगर कार्यपालिकाको पछिल्लो बैठकले पारित सो कार्यक्रमका बारेमा सोमबार स्वास्थ्य शाखाले नगरस्तरीय स्वास्थ्य संस्थाहरुको बैठक बोलाएर त्यससम्बन्धि कार्यविधि निर्माणका बारेमा छलफल गराएको छ ।

cura insider

विपन्न तथा असहाय ज्येष्ठ नागरिकमा केन्द्रित रहेर कार्यक्रमलाई ‘ज्येष्ठ नागरिकको स्वास्थ्यसँग नगरपालिका’ नामकरण गरिएको छ । स्वास्थ्य संयोजक मुरारी आचार्यले सो कार्यक्रमका लागि आवश्यक पर्ने प्राविधिक सामग्री तथा जनशक्तिका बारेमा नगर प्रमुख दीलिपकुमार राई र प्रमुख प्रशासकीय अधिकृत सहितलाई जानकारी गराएका छन् । कार्यपालिका बैठकले सो कार्यक्रमका लागि तत्काल २ लाख रुपैयाँ विनियोजन गर्ने निर्णय गरेपछि त्यसको कार्यविधि, ८० वर्षमाथिका ज्येष्ठ नागरिकको संख्या निकाल्नेसहितका विषयमा छलफल भएको हो ।

पथरीशनिश्चरे, हसन्दह स्वास्थ्य चौकी तथा शहरी स्वास्थ्य केन्द्रका प्राविधिकहरुसमेतको राय-सल्लाहमा चैतभरिमा कार्यविधि तय गरी वैशाखबाट सेवा सुरु गर्ने निर्णय भएको छ । स्वास्थ्य परीक्षणका लागि आवश्यक पर्ने बीपी सेट, पल्स अक्सिमिटर, ग्लुकोमिटर, अटोक्सकोप, निवुलाइजर खरिद गर्ने निर्णय भएको स्वास्थ्य संयोजक आचार्यले जनाएका छन् । ७० वर्ष उमेर पुगेका ज्येष्ठको उपचारका लागि वर्षमा एक पटक १ नम्वर प्रदेशभरिका अस्पतालमा जान र आउनका लागि नि:शुल्क एम्बुलेन्स उपलब्ध गराउनेसमेत नगरपालिकाको थप स्वास्थ्य कार्यक्रम रहेको छ । नगरप्रमुख राईको अवधारणामा घरमै स्वास्थ्य परीक्षण र एम्बुलेन्सको कार्यक्रमको योजना बनेको हो ।

jackson ribon