चलचित्र ‘स्वर्ग मेरो गाउँ’को ट्रेलर सार्वजनिक !(भिडियो)

पुस २०, विराटनगर
हालै मात्र चलचित्र ‘स्वर्ग मेरो गाउँ’को ट्रेलर सार्वजनिक गरिएको छ । रामकृष्ण बजगाईं निर्देशित यो चलचित्रमा प्रमुख भूमिकामा नायक नरेन खड्काको अभिनय रहेको छ । नरेनलाई चलचित्रमा एक गाउँले युवकको भूमिकामा देख्न सकिन्छ । रोमान्स, एक्सन र प्रेमकथाले भरिपुर्ण यो चलचित्रमा शहरबाट गाउँ घुम्न आएका युवतीहरुले गाउँलाई नै स्वर्ग बनाउन लागिपरेको कथा बोकेको छ ।

पुष्कर बरालको प्रस्तुतिमा द्रुप्दा बजगाईं र लक्ष्मण श्रेष्ठले निर्माण गरेको यस चलचित्रको कथा सुनिता बराल बजगाईंले लेखेकी हुन् । छायांकनमा पवन गौतम र द्वन्द्ध निर्देशक अष्ट महर्जन रहेका यो चलचित्रमा गोविन्द राईको कोरियोग्राफि रहेको छ । आउँदो माघ २ गतेबाट प्रदर्शनमा आउने यो चलचित्रमा नरेनका साथ रामकृष्ण बजगाईं, भावना गुरुङ, साक्षी लम्साल, सुजता थापा, अष्ट महर्जन लगायतका कलाकारहरुको अभिनय रहेको छ ।
ट्रेलर हेर्नुस्:

https://www.youtube.com/watch?v=h7u5WoC_SZk

प्रतिक्रिया

Loading...