Rumpum Advertisement
Dazzu

शंखधर साख्वा र पद्मरत्न तुलाधरको शालिक अनावरण

शंखधर साख्वा र पद्मरत्न तुलाधरको शालिक अनावरण

काठमाडौ, ६ मंसिर । राष्ट्रिय विभूति शंखधर साख्वा र प्रजातान्त्रिक आन्दोलनका सूत्राधार पद्मरत्न तुलाधरको शालिक अनावरण गरिएको छ ।

सहरी विकासमन्त्री कृष्णगोपाल श्रेष्ठ र काठमाडौं महानगरपालिकाका प्रमुख विद्यासुन्दर शाकयले ‘शंखधर उद्यान’ मा निर्माण गरिएको शाख्वा र तुलाधरको शालिक अनावरण गरिएको हो । शालिक अनावरणपछि सहरी विकासमन्त्री श्रेष्ठले शाख्वा र तुलाधर दुबै इतिहास पुरुष भएको बताए ।

नेपाल सम्वतलाई राष्ट्रिय सम्वतका रुपमा स्थापित गर्नु भन्नेमा कसैले पनि विमति नराख्ने उल्लेख गर्दै उनले रत्नपार्कलाई ‘शंखधर उद्यान’ घोषणा गरी वामपन्थी आन्दोलनका अगुवा तुलाधर र प्राजातान्त्रिक आन्दोलनका अगुवा शंखधर साख्वाको शालिक निर्माण हुनु इतिहासको सम्मान भएको बताए ।

महानगरपालिकाका प्रमुख शाक्यले राज्यलाई योगदान गरेका व्यक्तिहरुलाई बिर्सन चाहेर पनि बिर्सन नसकिने बताए । उपत्यकावासीका लागि शंखधर र पद्मरत्न सबै मनमुटुमा रहेको उल्लेख गर्दै मेयर शाक्यले उनीहरुलाई सधै सबैले चिन्न र देख्न सकुन् भनेर उनीहरुको सम्मान पार्कभित्र शालिक निर्माण गरिएको बताए ।

कार्यक्रममा वागमती प्रदेशका भौतिक पूर्वाधार मन्त्री रामेश्वर फुयाल, सहरी विकास राज्यमन्त्री रामवीर मानन्धर, महानगर उपप्रमख हरि प्रभा खड्गी पनि सहभागी थिए । पछिल्लो समय विगतमा राजा र रानीहरुका नाममा रहेका संरचनाहरुलाई भत्काएर राष्ट्रिय व्यक्तित्वहरुको नामबाट नामाकरण गर्ने प्रचलन बढेको छ ।

त्यसैअनुसार लामो समयदेखि रत्नपार्कको नामले चिनिएको पार्कको नाम राष्ट्रिय विभूति शंखधर साख्वाको नामबाट नामाकरण गरी आज साख्वा र तुलाधरको शालिक अनावरण गरिएको हो ।

प्रतिकृया दिनुहोस्:

तपाईको ईमेल गोप्य राखिनेछ