Rumpum Advertisement
Dazzu

भारतले नेपाललाई दियो एक अर्ब अनुदान

भारतले नेपाललाई दियो एक अर्ब अनुदान

काठमाडौं, १८ कात्तिक । भारत सरकारले एक अर्ब रुपैयाँ प्रदान गरेको छ । गोरखा र नुवाकोटमा आवास पुनःनिर्माण परियोजना कार्यान्वयनका लागि भारत सरकारले एक अर्ब रुपैयाँ प्रदान गरेको हो ।

नेपालका लागि भारतका राजदूत विनयमोहन क्वात्राले अर्थमन्त्री विष्णु पौडेललाई अनुदानस्वरुप भारतले उपलब्ध गराएको उक्त रकमको चेक आज अर्थ मन्त्रालयमा हस्तान्तरण गरे ।

त्यस अवसरमा नेपाल–भारत सम्बन्धका विविध पक्षका साथै पारस्परिक हितका विषयमा विचारविमर्श भएको नेपालस्थित भारतीय राजदूतावासले बताएको छ ।

आपसी समृद्धि र प्रगतिका लागि दुई देशबीचको द्विपक्षीय आर्थिक र विकास साझेदारीलाई अझ सुदृढ तुल्याउन मन्त्री पौडेल र राजदूत क्वात्राबीच सकारात्मक छलफल भएको दूतावासले जनाएको छ । रासस