Rumpum Advertisement

बाबुरामलाई नेकपाले भन्यो : बुढीगण्डकी आयोजनाबारे बोलेको कुराको प्रमाण देऊ

Neuro Revised Adv
Koshi Dashain ad
बाबुरामलाई नेकपाले भन्यो : बुढीगण्डकी आयोजनाबारे बोलेको कुराको प्रमाण देऊ

काठमाडौं, २८ असोज । नेपाल कम्युनिस्ट पार्टी (नेकपा) ले पूर्वप्रधानमन्त्री डा. बाबुराम भट्टराईले बूढीगण्डकी जलविद्युत् परियोजना कमिशनका कारण अलपत्र पारेको र त्यसमा प्रधानमन्त्री केपी शर्मा ओली र पुष्पकमल दाहालसमेतको संलग्नता रहेको भन्ने प्रमाण पेश गर्न माग गरेको छ ।

बुधबार विज्ञप्ति जारी नेकपा प्रवक्ता नारायणकाजी श्रेष्ठले बाबुरामलाई ओली र प्रचण्डले घुस लिएको प्रमाण पेश गर्न चुनौती दिएका हुन् ।

केही दिनअघि गृहजिल्ला गोरखामा भट्टराईले प्रधानमन्त्री ओली, पूर्वप्रधानमन्त्री प्रचण्ड र शेरबहादुर देउवाले ९ अर्ब रुपैयाँ घुस लिएको प्रमाण आफूसँग रहेको बताएका थिए ।

यस्तै उनले बुढीगण्डकी जलविद्युत आयोजनामा घुस लिएको भनी डा. बाबुराम भट्टराईले लगाएको आरोप आधारहीन र झुटो भएको बताएका छन् ।

उनले त्यससम्बन्धी कुनै प्रमाण भए सार्वजनिक रूपमा र राज्यको सम्बन्धित आधिकारिक निकायमा पेश गर्न चुनौती पनि दिएका छन् ।

बाबुरामको उक्त भनाइको नेपाली कांग्रेसले पनि विज्ञप्ति निकालेर विरोध जनाएको थियो । डा भट्टराईले बूढीगण्डकीसम्बन्धी तथ्यमा गहिरो अध्ययन र सार्थक पहल गर्नुभन्दा सस्तो टिप्पणी गरेको जनाउँदै काँग्रेस प्रवक्ता विश्वप्रकाश शर्माले प्रमाण सार्वजनिक गर्न चुनौती दिएका थिए ।

प्रतिकृया दिनुहोस्:

तपाईको ईमेल गोप्य राखिनेछ