Rumpum Advertisement

कोरोनाबाट स्वास्थ्यकर्मी बढी प्रभावित

Neuro Revised Adv
Koshi Dashain ad
कोरोनाबाट स्वास्थ्यकर्मी बढी प्रभावित

चितवन, ११ भदाै । दैनिक बढ्दै गएको कोरोना सङ्क्रमणमा चितवनका अस्पतालमा काम गर्ने चिकित्सक, स्वास्थ्यकर्मी र कर्मचारी बढी प्रभावित भएका छन् ।

बुधबार रातिसम्म आएको सङ्क्रमितको तथ्यांकमा १८ प्रतिशत अस्पतालकै स्वास्थ्यकर्मी रहेकाे भरतपुर अस्पतालका सूचना अधिकारी लिलाधर पौडेलले जनाएका छन् ।

चितवनमा कुल सङ्क्रमित सङ्ख्या ४७१ मध्ये ८५ जना स्वास्थ्यकर्मी छन् । उनीहरू जिल्लाका विभिन्न अस्पतालमा कार्यरत छन् ।

सोमध्ये सबैभन्दा बढी बीपी कोइराला मेमोरियल क्यान्सर अस्पताल भरतपुरका २६, चितवन मेडिकल कलेज र पुरानो मेडिकल कलेजका १६-१६ जना छन् ।

भरतपुर अस्पतालका १५, नारायणी सामुदायिक अस्पतालका तीन, स्थानीय क्लिनिकका तीन र सेन्ट्रल अस्पतालका दुई जना रहेका छन् ।

त्यस्तै रत्ननगर बकुलहर अस्पताल, मौलाकालिका अस्पताल, मनकामना अस्पताल र बाहिरी जिल्लाका सरकारी अस्पतालमा काम गर्ने एक-एक जना स्वास्थ्यकर्मी रहेको पौडेलले जानकारी दिए ।

हालसम्मको तथ्यांकअनुसार जिल्लामा सबैभन्दा बढी सङ्क्रमित भरतपुर महनगरका २८४, माडीका ५०, रत्ननगरका ३८, राप्तीका ७५, खैरहनीका १७, कालिका नगरपालिकाका पाँच र इच्छाकामना गाउँपालिकाका दुई जना रहेका छन् ।

सङ्क्रमित स्वास्थ्यकर्मी र अरु बिरामी सरकारी अस्पताल, दुई मेडिकल कलेजका अइसोलेसन र घरमै रहेका छन् ।

स्वास्थ्य कार्यालयका प्रमुख दीपक तिवारी बिरामीबाट अस्पतालमा सङ्क्रमण आएको र स्वास्थ्यकर्मीमा फैलिएको बताउँछन् ।

बिरामीमा सङ्क्रमण नहोला भन्ने अनुमान गर्दै स्वास्थ्यकर्मीले सुरक्षाकवज प्रयोग नगर्दा पनि सङ्क्रमण फैलिएको उनको अनुमान छ । रासस