Rumpum Advertisement

अवैध रूपमा मिर्गौला प्रत्यारोपण आरोपमा चिकित्सकसहित चारजना पक्राउ

Neuro Revised Adv
Koshi Dashain ad
अवैध रूपमा मिर्गौला प्रत्यारोपण आरोपमा चिकित्सकसहित चारजना पक्राउ

चितवन, २८ असार । अवैध रूपमा मिर्गौला प्रत्यारोपण आरोपमा चिकित्सकसहित चारजना पक्राउ परेका छन् ।

कलेज अफ मेडिकल साइन्सेज भरतपुरका प्रमुख कार्यकारी निर्देशकसहित चारजनालाई नेपाल प्रहरीको मानव बेचबिखन तथा अनुसन्धान ब्यूरोले हिजो साँझ पक्राउ गरेको हो ।

कलेजका निर्देशक मनोहर प्रधानका अनुसार एक वर्षअघि गरिएको मिर्गाैला प्रत्यारोपणका विषयमा प्रमुख कार्यकारी निर्देशक डा सुप्रभात श्रेष्ठ, डा बालकृष्ण कालाखेती, जिल्ला प्रशासन कार्यालय चितवनका प्रशासकीय अधिकृत रामचन्द्र ढकाल र कानूनी सल्लाहकार रमेश काफ्लेलाई सोधपुछका लागि ब्यूरोले नियन्त्रणमा लिएको छ । कलेजको मानव अङ्ग प्रत्यारोपण समितिमा पाँचजना सदस्य रहेका छन् ।

उनीहरूबाहेक समितिका सदस्य सर्जन डा राकेश बर्मा भने आज फेला नपरेको प्रहरी स्रोतले जनाएको छ ।

प्रधानका अनुसार एक वर्षअघि काठमाडौँका एक पुरुषको मिर्गाैला प्रत्यारोपणको विषयलाई लिएर उहाँहरुलाई अनुसन्धान गर्ने भन्दै नियन्त्रणमा लिइएको हो ।

प्रत्यारोपण भएका व्यक्ति नेपाली भएको र सरकारका सबै मापदण्ड पूरा गरेर प्रत्यारोपण गरिएको भए पनि के कति कारणले नियन्त्रणमा लिइएको हो भन्ने प्रस्ट नभएको बताए ।

हालसम्म सो मेडिकल कलेजले चार जनाको मृगौला प्रत्यारोपण गरेको जनाएको छ ।
रासस