Rumpum Advertisement

भारतीय पक्षले कोशीको धार परिवर्तन गरिदिदाँ सिंगो गाँउ नै सम्पर्क विहिन

Neuro Revised Adv
Koshi Dashain ad
भारतीय पक्षले कोशीको धार परिवर्तन गरिदिदाँ सिंगो गाँउ नै सम्पर्क विहिन

सप्तरी ।

कोशी नदीको बहाव पश्चिमी तटबन्धतर्फ फर्काउने क्रममा भारतीय पक्षले कोसी नदीमा वनाएको प्यालट च्यानलमा शुक्रवार अबेर साँझ समन्वय नगरि पानी छोड्दा ३०० जना सम्पर्क विहिन भएका छन् । एक्कासी पानी छोडदा नेपाल तर्फका झण्डै ९० परिवारका करिब ३ सय सर्वसाधारण पछिल्लो २४ घण्टा देखि सम्पर्कविहीन भएका हुन् ।

सप्तरीको हनुमाननगर कंकालिनी नगरपालिका–१२ गोबरगाढाका ९० परिवार पछिल्लो २४ घण्टादेखि सम्पर्कविहीन रहेको नगरपालिकाका मेयर शैलेशकुमार साहले बताए ।

वस्तीको पश्चिम तर्फवाट करिब १७ किलोमिटर लामो प्यालट च्यानलमा पानी छोडदा स्थानिय स्तरमा पूर्व जानकारी नगराएपछि उनीहरु सम्पर्क विहिन भएको उनको भनाई छ । शुक्रवार साँझ भारतीय पक्षले एक्कासी पानी छोडेपछि यस्तो अवस्था आएको साहले बताए ।

आपत्कालीन वचावका लागि राखिएको नगरपालिकाको २ थान डुंगासहित झण्डै आधा दर्जन डुंगाहरु समेत नदीले वगाएर छ । स्थानीयहरुका अनुसार गाउँलेहरुले संकलन गरेर राखेको काठ दाउरा, घर वनाउन प्रयोग गरिने खडही सहित केही पशु चौपाया समेत नदीले बगाएको छ ।

अझै त्यस क्षेत्रमा भएको यकिन आधिकारी तथ्यांक भने नआइसकेको मेयर साहले जानकारी दिए ।  एक्कासी नदीको वहावले सिंगो वस्तीनै घेरीए पछि त्यहाँसम्म पुग्न वा त्यहाँ फसेकाहरुलाई उद्धार गर्न नसकिएको उनले बताए । तर अवस्था यस्तै रहि रहे भयावह हुन सक्ने उनको भनाई छ ।