Rumpum Advertisement

कर्मचारीलाई थप्पड हानेका मेयरले भने ‘लोपारिदिन्छु तिमीलाई यस्ता कुरा नगर’ (भिडियो सहित)

Neuro Revised Adv
Koshi Dashain ad
कर्मचारीलाई  थप्पड  हानेका मेयरले भने ‘लोपारिदिन्छु तिमीलाई यस्ता कुरा नगर’ (भिडियो सहित)

विराटनगर । इटहरी उपमहानगरपालिका मेयर द्धारिकलाल चौधरी बुधवारयता चर्चामा छन । बुधवार दिउँसो कर्मचारीलाई थप्पड हानेका मेयर चौधरी पत्रकारलाई दुव्यवहार गरेपछि चर्चामा आएका हुन ।

उपमहानगरपालिकाको कार्यालय परिसरमा चौधरीसँग प्रश्नगर्दा रिसाएका मेयरले पत्रकारलाई दुव्यवहार गर्दै लोपारेका थिए । चौधरीले कर्मचारी मनोज दाहाललाई पिटेको कुरा गरेपछि रिसाएका मेयर पत्रकार माथी खनिएका हुन ।

‘भ्रष्ट काम गर्छन्, त्यसलाई फूलमाला लाउनु मैले ’ मेयर चौधरीले भने । साे क्रममा मेयर चौधरीले समाचार संकलनकालागि पुगेका पत्रकार कृष्णबहाव भट्टराई, विकल रेग्मीलाई दुव्यवहार गरेका थिए ।

उनले भट्टराईलाई गाली गर्दै लोपारेका थिए । भट्टराइकाे अनुहारमै हात पुर्‍याएर भने ‘लोपारिदिन्छु म तिमीलाई, त्यस्ता कुरा नगर,लोपारिदिन्छु । लोपारि नै दिन्छु यस्तो बायस कुरा गरेऊ भने ।’

प्रश्न उतरका क्रममा जंगिएका मेयरले पत्रकारलाइ धम्काउँदै भन्छन् ‘ राम्रो प्रश्न गर । तिमीले मलाई लोकतन्त्र, मौलिक हक, मानवअधिकार, राजनीतिकशास्त्र ऐन,कानून पढाउनुपर्दैन । सात वर्ष मुद्दा गरेको मोही किसानको छोरा हुँ । तिम्रो प्रश्नको जवाफ दिन चाहन्न ।’ उनले फेरी  अंग्रेजीमा भने ‘आई डन्ट लाइक टु आन्सर योर क्वैस्चन । यू आर बायस्ड ।’

मेयरले पत्रकारलाई दुर्व्यवहार गरेपछि नेपाल पत्रकार महासंघ प्रदेश १ समितिले विज्ञप्ती जारी गर्दै मेयर चाैधरीले माफी माग्नु पर्ने बताएको छ । नेपाल पत्रकार महासंघ प्रदेश १ महासचिव विबेक गौतम द्धाराजारी गरिएको विज्ञप्तीमा घटना प्रति दुःख व्यक्त गर्दै मेयरले माफी माग्नु पर्ने उल्लेख गरिएको छ । घटनाको भत्सना गर्दै नेपाल पत्रकार महासंघ सुनसरी शाखाले विज्ञप्ती जारी गरी जनप्रतिनिधिबाट पत्रकारमाथी दुव्यवहार हुनु प्रेस स्वतन्त्रतामाथी ठाडो हस्तक्षेप भएको उल्लेख छ ।