Rumpum Advertisement

एक नम्बर प्रदेशमा २०५ थान बन्दुक संकलन, सबैभन्दा बढी ताप्लेजुङबाट संकलन

Neuro Revised Adv
Koshi Dashain ad
एक नम्बर प्रदेशमा २०५ थान बन्दुक संकलन, सबैभन्दा बढी ताप्लेजुङबाट संकलन

विराटनगर
एक नम्बर प्रदेश प्रहरीले विभिन्न जिल्लाबाट २ सय ५ नाल हतियार संकलन गरेको छ । गृह मन्त्रालयले १ चैत २०७५ मा ३५ दिनभित्र हतियार बुझाउन गरेको सर्कुलरपछि ८ बैसाख २०७५ सम्म विभिन्न जिल्लाबाट जम्मा २ सय ५ नाल हतियार संकलन भएको एक नम्बर प्रदेश प्रहरी कार्यालयले जनाएको हो ।

संकलित हतियारमध्ये ९५ नाल बैध र ३५ नाल नविकरण तथा दर्ता नगरेका अबैध हतियार सर्वसाधारणहरूले प्रहरीलाई आफैँ बुझाएका थिए । विभिन्न जिल्लाबाट ७५ नाल प्रहरीले वेवारिसे अवस्थामा बरामद गरेको थियो ।

सबैभन्दा धेरै १६७ थान भरुवा बन्दुक संकलन

अवैध रुपमा फेला परेका हातहतियारमध्ये सबैभन्दा बढी १ सय ६७ नाल भरुवा बन्दुकछन । यसैगरि एक नाले टोटा १३ नाल, म्यागनम १ नाल, २ नाले टोटा ४ नाल, जोरनाले बन्दुक ६ नाल, २ नाले ब्रिज लोडिङ १ नाल, एरगन १ नाल, सर्ट गन १ नाल, सानो चाईनिज पेस्तोल २ नाल र ९ थान नाल छन ।

सबैभन्दा बढी ताप्लेजुंङमा ११२ थान बन्दुक संकलन

ताप्लेजुङ जिल्लामा ३८ जनाले आफूसँग भएका लाईसेन्सप्राप्त हातहतियार बुझाएका थिए । ७४ नाल हतियार वेवारीसे अवस्थामा फेला परेका थिए । यसैगरी पाँचथरमा ३५ नाल, तेह्रथुममा २८ नाल, मोरङमा १५ नाल, इलाममा ११ नाल र भोजपुरमा २ नाल हतियार संलकन भएका थिए ।

दर्ता गरेर सर्वसाधारणले राखेका हतियार हरेक पाँच वर्षमा नविकरण नगरेमा अबैध हुन्छ ।