Rumpum Advertisement

सुनसरीमा बसबाट खसेर १० वर्षीय बालकको मृत्यु

Neuro Revised Adv
Koshi Dashain ad
सुनसरीमा बसबाट खसेर १० वर्षीय बालकको मृत्यु

इनरुवा,
सुनसरीमा बसबाट खसेर १० वर्षीय बालकको मृत्यु भएको छ । सुनसरीको कोशी गाउँपालिका–८ भण्टाबारी क्षेत्रमा बसबाट खसेर मङ्गलबार स्थानीय युसुफ मियाँका १० वर्षीय छोरा नुर सलामको मृत्यु भएको सुनसरीका प्रहरी नायब उपरीक्षक ज्ञानेन्द्रप्रसाद फुँयालले जानकारी दिए ।

सिरहाबाट विराटनगरतर्फ जाँदै गरेको ना६ख ५९६६ नंको यात्रुवाहक बसमा भण्टाबारीमा झर्ने क्रममा खसेर मृत्यु भएको प्रहरीले जनाएको छ । मृतक बालक सप्तरीको भारदहबाट पानी बेचेर भण्टाबारीतर्फ आउँदै गरेकामा भण्टाबारीमा झर्ने क्रममा बसबाट खसेका हुन् ।

सो बस र चालक जिल्ला प्रहरी कार्यालय सुनसरीको नियन्त्रणमा रहेको छ । मृतक बालकको शव परीक्षणका लागि जिल्ला अस्पताल इनरुवामा राखिएको छ ।