Rumpum Advertisement

धनियाँ बेच्ने विषयमा विवाद हुँदा सुनसरीमा दुई जनाको ज्यान गयो

Neuro Revised Adv
Koshi Dashain ad
धनियाँ बेच्ने विषयमा विवाद हुँदा सुनसरीमा दुई जनाको ज्यान गयो

विराटनगर,
सुनसरी सदरमुकाम इनरुवाको सोमबारे बजारमा धनियाँ बेच्ने विषयमा सुरु भएको विवादका कारण दुई जनाको हत्या भएको छ । गत फागुन २० गते सस्तोमा धनियाँ बेचेपछि सुरु भएको विवाद बैशाख १ गतेसम्म साम्य नहुँदा २ जनाको ज्यान गएको हो ।

गत फागुन २० गते भोक्राह नरसिंह गाउँपालिका– ७ का अन्दाजी ६० वर्षीय वृद्ध सुईलाल मण्डलको हत्या भएको थियो । आइतबार भोक्राह नरसिंह गाउँपालिका ३ का ७५ वर्षीय जागेश्वर मण्डलको हत्या भएको हो । जागेश्वर र सुइलाल गत फागुन २० गते भएको विवाद गर्ने समुहका पक्ष विपक्ष थिए ।

सुनसरीमा दुई युवकको कुटपिटबाट एक वृद्धको घटनास्थलमै मृत्यु

डेढ महिनाअघि भएको घटनामा पीडित बनेको पक्ष नै आइतबारको घटनामा संलग्न भएको आरोपमा पक्राउ परेको सुनसरीका प्रहरी उपरीक्षक राजन अधिकारीले जानकारी दिए । आइतबार राति करिब १ बजे हत्याको खबर पाएको प्रहरीले राति नै भोक्राह नरसिंह गाउ“पालिका ७ का २९ वर्षीय शंकर मण्डल र २५ वर्षिय बुदु मण्डललाई पक्राउ गरेको हो ।

प्रहरीका अनुसार बुदु डेढ महिनाअघि ज्यान गुमाएका सुइलालका छोरा हुन् । सुईलालको हत्या आरोपमा दुई जना पक्राउ परेका थिए । पुरानो घटनाको पीडित पक्ष नै आइतवारको घटनामा अनुसन्धानका लागि पक्राउ परेको जिल्ला प्रहरी कार्यालय सुनसरीका प्रहरी उपरीक्षक राजन अधिकारीले बताए ।

कसरी भयो विवाद ?

इनरुवाको सोमबारे बजारमा सर्वसाधरणको भीँड लाग्छ । बजारमा धनियाँको पात सस्तोमा बिक्री गरेपछि कुटपिट हुँदा सुइलालको ज्यान गएको थियो । गत २० गते ज्यान गुमाएका सुइलाल साबिक नरसिंह गाविसका बासिन्दा हुन् ।

आइतबार ज्यान गुमाएका मण्डल साबिक भोक्राह गाबिसका वासिन्दा हुन् । बजारबाट सुरु विवादमा व्यक्तिको हत्या भएपछि गाँउसम्म आएको थियो । आइतबार नयाँ वर्ष मनाउन जागेश्वर सम्धीको घरमा पुगेका थिए ।

भोक्राह–नरसिंह गाउँपालिका– ३ सर्बैया टोलमा पुगेका उनको राति ११ बजे हत्या भएको थियो । राति १ बजे डिएसपी ज्ञानेन्द्र फुयालको नेतृत्वमा घटनास्थल पुगेको प्रहरी टोलीले तत्काल दुई जनालाई नियन्त्रणमा लिएको थियो ।

वृद्धको शवको पोष्टमार्टमका लागि प्रहरीले विपी कोइराला स्वास्थ्य विज्ञान प्रतिष्ठान धरान पठाएको छ ।